Genesis 26:14

Ang Biblia 2011

Nakapanag-iya siya ug mga panon sa nagkalainlaing kahayopan ug dako nga panimalay busa nasina kaniya ang mga Filistihanon.

Cross References

Genesis 12:16

Ug tungod kaniya, si Abram gitagad pag-ayo sa Paraon ug siya nakabaton ug mga karnero, mga baka, mga laki nga asno, mga ulipon nga lalaki ug babaye, mga asno nga baye ug mga kamilyo.

Genesis 13:2

Niadtong panahona si Abram dato kaayo sa kahayopan, sa plata ug sa bulawan.

Genesis 24:35

Ang Ginoo nagpanalangin pag-ayo sa akong agalon ug nahimo siyang bantogan ug gihatagan niya siya ug mga panon sa kahayopan, ug plata ug bulawan, mga sulugoon nga lalaki ug babaye, mga kamilyo ug mga asno.

Genesis 25:5

Gihatag ni Abraham ang tanan nga iya ngadto kang Isaac.

Genesis 30:43

Busa ang tawo midato pag-ayo ug nakabaton ug dagkong mga panon sa mga kahayopan, ug mga ulipon nga babaye ug mga ulipon nga lalaki ug mga kamilyo ug mga asno.

Genesis 37:11

Ug ang iyang mga igsoon nasina kaniya, apan kini nga pulong gitipigan sa iyang amahan diha sa iyang hunahuna.

Job 1:3

Aduna siyay pito ka libo ka karnero, tulo ka libo ka kamilyo, lima ka gatos ka paris nga baka, ug lima ka gatos ka baye nga asno ug daghan kaayo ug mga sulugoon, mao nga kining tawhana maoy labing bantogan sa tibuok katawhan sa silangan.

Job 42:12

Gipanalanginan sa Ginoo ang ulahing mga adlaw ni Job labaw pa kay sa una niya nga panahon. Ug siya may napulo ug upat ka libo ka karnero, ug unom ka libo ka kamilyo, usa ka libo ka baka nga igdadaro, ug usa ka libo ka asno nga baye.

Job 5:2

Ang kapungot mopatay gayod sa buangbuang, ug ang kasina molaglag sa yano.

Salmo 112:10

Ang daotan makakita niini ug masuko, magpakagot siya sa iyang mga ngipon ug dayon matunaw; mangahanaw ang tinguha sa mga daotan.

Salmo 112:3

Mga bahandi ug katigayonan anaa sa iyang balay ug ang iyang pagkamatarong molungtad hangtod sa kahangtoran.

Mga Panultihon 10:22

Ang panalangin sa Ginoo makapadato, ug siya wala magdugang ug kasubo niini.

Mga Panultihon 27:4

Ang kasuko bangis, ug ang kapungot makapalumos; apan kinsa ba ang makabarog atubangan sa pangabubho?

Ecclesiastes 4:4

Unya nakita nako nga ang tanang paghago ug ang tanang kabatid diha sa buhat naggikan sa kasina sa tawo sa iyang isigkatawo. Kini kakawangan usab ug usa lamang ka paggukod sa hangin.

1 Samuel 18:9

Sukad niadtong adlawa gipanid-an ni Saul si David.