Genesis 26:1

Ang Biblia 2011

Niadtong panahona dihay gutom sa yuta gawas sa unang gutom sa mga adlaw ni Abraham, ug si Isaac miadto sa Gerar ngadto kang Abimelek nga hari sa mga Filistihanon.

Cross References

Genesis 12:10

Unya dihay gutom sa yuta, ug milugsong si Abram ngadto sa Ehipto sa paglangyaw didto, kay dako ang gutom sa yuta.

Genesis 25:11

Human sa kamatayon ni Abraham, si Isaac nga iyang anak gipanalanginan sa Dios. Ug mipuyo si Isaac sa Beer-lahai-roi.

Genesis 25:34

Unya si Esau gihatagan ni Jacob ug pan ug sa linat-an nga mga liso ug siya mikaon ug miinom ug mitindog ug milakaw. Sa ingon niana gisalikway ni Esau ang iyang katungod sa pagkapanganay.

Genesis 42:5

Busa ang mga anak ni Israel miadto aron sa pagpalit ug trigo kuyog niadtong uban nga miadto, kay ang gutom miabot sa yuta sa Canaan.

Genesis 43:1

Ug ang gutom hilabihan ka dako didto sa yuta.

2 Samuel 21:1

Niadtong tungora dihay usa ka gutom sa panahon ni David sulod sa tulo ka tuig nga nagsunod-sunod ug si David nagpakitambag sa Ginoo. Ug ang Ginoo miingon, “Adunay kasal-anan si Saul ug ang iyang banay tungod kay iyang gipamatay ang mga Gibeonhanon.”

Exodo 33:1

Unya ang Ginoo miingon kang Moises, “Lakaw ug tungas, ikaw ug ang katawhan nga imong gidala gikan sa yuta sa Ehipto padulong sa yuta nga akong gipanumpa kang Abraham, kang Isaac ug kang Jacob, nga nag-ingon, ‘Ngadto sa imong kaliwatan ihatag ko kini.’

Ruth 1:1

Niadtong mga adlaw nga ang mga maghuhukom maoy nangulo, dihay gutom sa yuta, ug usa ka tawo sa Betlehem sa Juda nga miadto aron sa pagpuyo didto sa yuta sa Moab, siya ug ang iyang asawa, ug ang iyang duha ka anak nga lalaki.