Genesis 24:7

Ang Biblia 2011

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Cross References

Genesis 13:15

Kay ang tanang yuta nga imong nakita, ihatag nako kanimo ug sa imong kaliwatan hangtod sa kahangtoran.

Genesis 15:18

Niadtong adlawa ang Ginoo naghimo ug usa ka kasabotan uban kang Abram, nga nag-ingon, “Sa imong mga kaliwat ihatag nako kining yutaa, gikan sa suba sa Ehipto hangtod sa dako nga suba, ang suba nga Eufrates,

Genesis 16:7

Unya ang anghel sa Ginoo nakakita kaniya tupad sa usa ka tuboran sa tubig didto sa kamingawan, ang tuboran nga diha sa dalan paingon sa Sur.

Genesis 17:8

Ug ihatag nako nganha kanimo ug sa imong kaliwatan nga sunod kanimo ang yuta diin ikaw milangyaw, ang tibuok nga yuta sa Canaan aron mapanag-iya ninyo sa dayon, ug ako mahimo nga ilang Dios.”

Genesis 21:17

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya.

Genesis 22:11

Apan ang anghel sa Ginoo mitawag kaniya gikan sa kalangitan nga nag-ingon, “Abraham, Abraham!” Ug siya miingon, “Ania ako.”

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 24:40

Apan siya miingon kanako, ‘Ang Ginoo, nga sa iyang atubangan ako naglakaw, magpadala sa iyang anghel kuyog kanimo ug magpalampos sa imong dalan ug ikaw magkuha ug maasawa alang sa akong anak gikan sa akong kadugo ug gikan sa balay sa akong amahan.

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Esdras 1:2

“Kini mao ang gisulti ni Ciro nga hari sa Persia: Ang Ginoo, ang Dios sa langit, naghatag kanako sa tanang gingharian sa yuta ug iya akong gisugo sa pagtukod ug balay alang kaniya didto sa Jerusalem nga anaa sa Juda.

Salmo 103:20

Dayega ang Ginoo, kamo nga iyang mga anghel, kamo nga mga gamhanan nga nagtuman sa iyang pulong, nga nagpatalinghog sa tingog sa iyang pulong!

Salmo 136:26

O pagpasalamat sa Dios sa langit, kay ang iyang gugmang walay paglubad naglungtad hangtod sa kahangtoran.

Salmo 32:8

Pahimatngonan nako ikaw ug tudloan sa dalan nga imong laktan; tambagan nako ikaw uban ang akong mga mata nganha kanimo.

Salmo 34:7

Ang anghel sa Ginoo maglibot niadtong may kahadlok kaniya, ug magluwas kanila.

Salmo 73:24

Ikaw magmando kanako pinaagi sa imong pagtambag, ug unya dawaton nimo ako sa himaya.

Exodo 13:5

Sa dihang dad-on na kamo sa Ginoo ngadto sa yuta sa mga Canaanhon, sa mga Hitihanon, sa mga Amorihanon, sa mga Hibihanon ug sa mga Jebusihanon, nga gipanumpa niya sa inyong mga katigulangan nga iyang ihatag kaninyo, yuta diin nag-agas ang gatas ug dugos, tumana ninyo kini nga tulumanon niining bulana.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Exodo 33:2

Ug ako magpadala ug usa ka anghel una kanimo ug papahawaon nako ang mga Canaanhon, ang mga Amorihanon, ang mga Hitihanon, ang mga Perisihanon, ang mga Hibihanon ug ang mga Jebusihanon.

Isaias 63:9

Sa tanan nilang mga kasakitan siya gisakit, ug giluwas sila sa anghel sa iyang atubangan; diha sa iyang gugma ug sa iyang kaluoy, sila gitubos niya; sila gidala niya ug iyang gikugos sila sa tanang mga adlaw sa kanhing panahon.

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Jonas 1:9

Siya miingon kanila, “Ako Hebreo ug ako mahadlokon sa Ginoo, ang Dios sa langit nga maoy nagbuhat sa dagat ug sa uga nga yuta.”

Numeros 11:12

Ako ba ang nagsamkon niining tibuok nga katawhan? Ug ako bay nanganak kanila aron mag-ingon ikaw kanako, ‘Dad-a sila sa imong sabakan sama sa tig-alima nga nagdala sa batang masuso’ ngadto sa yuta nga imong gipanumpa sa ilang katigulangan?

Numeros 14:16

‘Tungod kay dili man makahimo ang Ginoo sa pagpasulod niining maong katawhan ngadto sa yuta nga iyang gipanumpa kanila busa gipatay niya sila diha sa kamingawan.’

Numeros 14:30

dili gayod kamo makadangat ngadto sa yuta nga akong gipanumpa nga inyong puy-an, gawas kang Caleb nga anak ni Jefone ug kang Josue nga anak ni Nun.

Numeros 32:11

‘Sa pagkatinuod walay si bisan kinsa sa mga tawo nga migula gikan sa Ehipto, sukad sa 20 ka tuig ang panuigon ug pataas nga makakita sa yuta nga akong gipanumpa nga ihatag kang Abraham, kang Isaac ug kang Jacob, tungod kay sila wala mosunod kanako sa bug-os,

Mga Buhat 7:5

Apan wala niya siya hatagi ug panulundon dinhi bisan na lang ug igong katumban sa tiil, apan nagsaad nga ihatag kini ngadto kaniya ingon nga iyaha ug ngadto sa iyang kaliwatan nga mosunod kaniya, bisan pa ug wala siyay anak.

Deuteronomio 1:8

Tan-awa, akong gigahin ang yuta sa atubangan ninyo. Panulod kamo ug panag-iyaha ninyo ang yuta nga gipanumpa sa Ginoo ngadto sa inyong katigulangan, ngadto kang Abraham, kang Isaac ug kang Jacob, nga ihatag kanila ug sa ilang mga sumusunod nga kaliwatan.’

Deuteronomio 34:4

Ug miingon kaniya ang Ginoo, “Kini mao ang yuta nga gipanumpa nako kang Abraham, kang Isaac ug kang Jacob, nga ako nag-ingon, ‘Ihatag nako kini sa imong kaliwatan.’ Gipatan-aw ko ikaw niini sa imong mga mata apan dili ikaw makaadto didto.”

Mga Hebreo 1:14

Dili ba silang tanan mga alagad nga espiritu, nga gipadala aron sa pag-alagad, tungod ug alang kanila nga makaangkon sa kaluwasan?

Mga Hebreo 11:9

Tungod sa pagtuo siya mipuyo didto sa yuta sa saad, nga daw diha siya sa laing yuta, nagpuyo siya sa mga tolda uban kang Isaac ug Jacob nga mga manununod sa mao rang saad uban kaniya.

Josue 1:6

Pagmalig-on ug pagmaisogon kay ikaw ang maghimo nga kining katawhan makaangkon sa yuta nga akong gisaad sa ilang katigulangan nga akong ihatag kanila.

Josue 24:3

Unya gikuha nako ang inyong amahan nga si Abraham gikan sa unahan sa Suba ug gidala nako siya ngadto sa kayutaan sa Canaan ug gipadaghan nako ang iyang kaliwat ug gihatag nako kaniya si Isaac.

Gipadayag 11:13

Ug niadtong tungora dihay usa ka dakong linog, ug ang ikanapulong bahin sa siyudad nagun-ob, pito ka libo ka tawo ang nangamatay sa linog, ug ang nahibilin nangalisang ug mihatag ug himaya ngadto sa Dios sa langit.

Mga Maghuhukom 2:1

Unya ang anghel sa Ginoo mitungas gikan sa Gilgal ngadto sa Bokim. Ug siya miingon, “Gikuha nako kamo gikan sa Ehipto ug gidala ngadto sa yuta nga akong gipanumpa nga ihatag sa inyong katigulangan. Ug ako miingon, ‘Dili gayod nako lapason ang akong kasabotan uban kaninyo,