Genesis 24:53

Ang Biblia 2011

Ug ang sulogoon mipagawas sa mga alahas nga plata ug mga alahas nga bulawan ug mga bisti ug kini gihatag kang Rebecca. Mihatag usab siya ug mga mahalong butang ngadto sa igsoon nga lalaki ug sa inahan ni Rebecca.

Cross References

Genesis 24:10

Unya ang ulipon mikuha ug napulo ka kamilyo sa iyang agalon ug milakaw. Nagdala siya sa tanang matang sa mga piniling gasa gikan sa bahandi sa iyang agalon. Ug migikan siya ug miadto sa Mesopotamia, ngadto sa lungsod ni Nahor.

Genesis 24:22

Sa diha nga nakahuman na ug pag-inom ang mga kamilyo, ang sulugoon mikuha ug usa ka ariyos nga bulawan nga nagtimbang ug tunga sa siklo ug duha ka pulseras alang sa iyang mga bukton nga nagtimbang ug napulo ka siklo nga bulawan.

2 Cronicas 21:3

Ang ilang amahan mihatag kanila ug daghan kaayong mga gasa, bulawan ug mga bililhon nga mga butang, uban ang mga kinutaang siyudad sa Juda, apan ang gingharian iyang gihatag kang Jehoram, tungod kay siya mao ang kamagulangan.

Esdras 1:6

Ug ang tanan nga naglibot kanila mitabang kanila pinaagi sa mga galamiton nga plata, bulawan, mga kabtangan, mga mananap, ug bililhong mga butang dugang sa tanang mga gihalad nga kinabubut-on.

Exodo 11:2

Sultihi ang katawhan nga ang tanang lalaki ug babaye mangayo sa ilang silingan ug mga alahas nga plata ug mga alahas nga bulawan.”

Exodo 12:35

Ang katawhan sa Israel nagbuhat usab sumala sa gisulti ni Moises kanila. Nangayo sila sa mga Ehiptohanon ug mga alahas nga plata ug mga alahas nga bulawan ug mga bisti.

Exodo 3:22

Apan ang matag babaye mangayo ug mga alahas nga plata, mga alahas nga bulawan ug mga bisti gikan sa iyang silingan ug sa babaye nga nag-abot sa iyang balay, ug ipanul-ob ninyo kini sa inyong mga anak nga lalaki ug sa inyong mga anak nga babaye. Niining paagiha makuhaan ninyo ug bahandi ang mga Ehiptohanon.”

Awit sa mga Awit 1:10

Ang imong mga aping matahom uban sa mga dayandayan, ang imong liog gidayandayanan ug mga alahas.

Awit sa mga Awit 4:13

Ang imong mga saha usa ka tanaman sa mga granada uban ang mga pinili nga bunga, hena uban ang mga nardo,

Isaias 39:2

Si Hesekias miabiabi kanila, ug gipakita niya kanila ang balay nga tipiganan sa iyang bahandi, ang plata, ang bulawan, ang mga pahumot, ang lana nga bililhon, ug ang tibuok balay sa iyang mga hinagiban ug ang tanan nga makita sa iyang mga bahandi. Walay bisan unsa sa iyang balay o sa tanan niya nga ginsakpan nga wala ipakita ni Hesekias kanila.