Genesis 24:52

Ang Biblia 2011

Sa dihang nabati sa sulugoon ni Abraham ang ilang mga pulong, siya miduko sa yuta atubangan sa Ginoo.

Cross References

Genesis 24:26

Ug ang tawo miduko ug misimba sa Ginoo.

Genesis 24:48

Unya miduko ako ug misimba ako sa Ginoo ug gidayeg nako ang Ginoo, ang Dios sa akong agalon nga si Abraham, nga nagtultol kanako sa dalan nga tukma aron sa pagkuha sa anak nga babaye sa kadugo sa akong agalon alang sa iyang anak.

Genesis 24:51

Tan-awa, anaa si Rebecca sa imong atubangan, dad-a siya ug lakaw ug ipaasawa siya sa anak sa imong agalon, sumala sa gisulti sa Ginoo.”

1 Cronicas 29:20

Unya si David miingon sa tibuok nga katilingban, “Dayega ninyo ang Ginoo nga inyong Dios.” Ug ang tibuok nga katilingban nagdayeg sa Ginoo, ang Dios sa ilang katigulangan ug nagduko sa ilang mga ulo ug nagsimba sa Ginoo, ug miyukbo sa hari.

2 Cronicas 20:18

Unya giduko ni Jehosafat ang iyang ulo ngadto sa yuta ug ang tibuok Juda ug ang mga nagpuyo sa Jerusalem nanghapa sa atubangan sa Ginoo, nagsimba sa Ginoo.

Salmo 95:6

O dali kamo, magsimba ug mangyukbo kita; mangluhod kita sa atubangan sa Ginoo nga atong Magbubuhat!

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

1 Samuel 1:28

Busa gitugyan usab nako siya ngadto sa Ginoo; sa tibuok niyang kinabuhi, siya gitugyan ngadto sa Ginoo.” Ug gisimba nila didto ang Ginoo.