Genesis 24:49

Ang Biblia 2011

Busa, karon kon ipakita ninyo ang pagkamaunongon ug pagkamatinud-anon ngadto sa akong agalon, sultihi ako ug kon dili, sultihi ako aron ako mosubay sa tuo o sa wala.”

Cross References

Genesis 32:10

ako dili takos sa labing diyotay sa tanang gugmang walay paglubad ug sa tanang pagkamatinumanon nga imong gipakita sa imong sulugoon kay uban lamang sa akong sungkod milabang ako niining Jordan, apan karon nahimo ako nga duha na ka pundok.

Genesis 47:29

Ug sa nagkaduol na ang adlaw sa kamatayon ni Israel, iyang gitawag si Jose nga iyang anak ug giingnan, “Kon nakakaplag ako karon ug kahimuot sa imong mga mata, hangyoon ko ikaw, nga ibutang nimo ang imong kamot sa ilalom sa akong paa ug panaad nga magmaunongon ug magmatinud-anon ikaw kanako. Naghangyo ako kanimo nga ayaw ako ilubong sa Ehipto.

Mga Panultihon 3:3

Ayaw itugot nga ang pagkamaunongon ug pagkamatinumanon mobiya kanimo; ihigot kini sa imong liog, isulat kini sa papan sa imong kasingkasing.

Numeros 20:17

Naghangyo ako kanimo, paagia kami sa imong yuta. Dili kami moagi sa darohan o sa parasan o moinom ug tubig sa mga atabay. Mosubay lamang kami sa Dalan sa Hari; dili kami motipas sa tuo o sa wala hangtod nga kami makalatas na sa imong yuta.”

Deuteronomio 2:27

‘Paagia ako sa imong yuta; maglakaw lamang ako subay sa dalan, dili ako motipas ngadto sa tuo o sa wala.

Josue 2:14

Ug ang mga tawo miingon kang Rahab, “Ang among mga kinabuhi alang kanimo kon dili nimo ipanulti kining among buluhaton, magmaluluy-on kami ug magmatinumanon kanimo sa diha nga ang Ginoo maghatag na kanamo sa yuta.”