Genesis 24:48

Ang Biblia 2011

Unya miduko ako ug misimba ako sa Ginoo ug gidayeg nako ang Ginoo, ang Dios sa akong agalon nga si Abraham, nga nagtultol kanako sa dalan nga tukma aron sa pagkuha sa anak nga babaye sa kadugo sa akong agalon alang sa iyang anak.

Cross References

Genesis 22:23

Si Betuel mao ang amahan ni Rebecca. Kini silang walo gipanganak ni Milca kang Nahor nga igsoon ni Abraham.

Genesis 24:52

Sa dihang nabati sa sulugoon ni Abraham ang ilang mga pulong, siya miduko sa yuta atubangan sa Ginoo.

Esdras 8:21

Unya ako nagpahibalo ug usa ka pagpuasa didto sa suba sa Ahava, aron kami magpaubos sa among kaugalingon sa atubangan sa among Dios, sa pagpangita gikan kaniya sa usa ka tul-id nga dalan alang kanamo, alang sa among mga kabataan ug sa tanan namong kabtangan.

Salmo 107:7

siya midala kanila pinaagi sa dalan nga tul-id, hangtod miabot sila sa usa ka siyudad nga ilang kapuy-an.

Salmo 32:8

Pahimatngonan nako ikaw ug tudloan sa dalan nga imong laktan; tambagan nako ikaw uban ang akong mga mata nganha kanimo.

Salmo 48:14

nga kini mao ang Dios, atong Dios hangtod sa kahangtoran. Siya mao ang atong magmamando hangtod sa kahangtoran.

Exodo 18:20

Ug tudloi sila sa mga lagda ug mga tulumanon ug ipahibalo kanila ang dalan nga maoy ilang subayon ug ang angay nilang buhaton.

Mga Panultihon 4:11

Gitudloan ko ikaw sa dalan sa kaalam; gitultolan ko ikaw diha sa mga agianan sa pagkamatarong.

Isaias 48:17

Mao kini ang giingon sa Ginoo, ang imong Manunubos, ang Balaan sa Israel: “Ako mao ang Ginoo nga imong Dios, nga nagtudlo kanimo alang sa imong kaayohan, nga nagmando kanimo sa dalan nga angay nimong agian.