Genesis 24:4

Ang Biblia 2011

Lakaw hinuon ngadto sa akong yuta ug sa akong mga kadugo, ug pagkuha ug maasawa sa akong anak nga si Isaac.”

Cross References

Genesis 11:25

Human maanak kaniya si Tera, si Nahor nabuhi pa ug laing 119 ka tuig ug may lain pang mga anak nga lalaki ug babaye.

Genesis 12:1

Unya ang Ginoo miingon kang Abram, “Lakaw gikan sa imong yuta ug gikan sa imong kadugo ug sa balay sa imong amahan ngadto sa yuta nga akong ipakita kanimo.

Genesis 12:7

Unya, ang Ginoo mipakita kang Abram ug miingon kaniya, “Sa imong kaliwat ihatag nako kining yutaa.” Ug nagtukod siya didto ug usa ka halaran alang sa Ginoo nga nagpakita kaniya.

Genesis 24:38

Apan lakaw ngadto sa balay sa akong amahan ug sa akong mga kadugo ug pagkuha ug maasawa alang sa akong anak.’

Genesis 24:5

Ang sulugoon miingon kaniya, “Basin ug ang babaye dili buot mokuyog kanako sa pag-anhi niining yutaa. Busa kinahanglan ba nga dad-on nako pagbalik ang imong anak ngadto sa yuta nga imong gigikanan?”

Genesis 28:1

Unya gitawag ni Isaac si Jacob ug iyang gipanalanginan siya, ug gipahimangnoan siya, “Ayaw pangasawa sa usa sa mga babaye nga Canaanhon.

Genesis 28:2

Tindog ug lakaw ngadto sa Padan-aram, sa balay ni Betuel nga amahan sa imong inahan ug pangasawa didto gikan sa mga anak ni Laban nga igsoon sa imong inahan.

2 Cronicas 24:3

Si Jehoiada nagkuha ug duha ka asawa alang kaniya ug siya nakabaton ug mga anak nga lalaki ug mga anak nga babaye.

Mga Hebreo 11:15

Kon mao pay ilang gihunahuna ang yuta nga ilang gigikanan, sila may kahigayonan pa unta sa pagbalik.

Mga Maghuhukom 14:3

Apan ang iyang amahan ug ang iyang inahan miingon kaniya, “Wala bay usa ka babaye sa taliwala sa mga anak nga babaye sa imong mga kadugo o sa taliwala sa tanan natong katawhan, nga ikaw moadto pa sa pagkuha ug usa ka asawa sa mga dili tinuli nga Filistihanon?” Apan si Samson miingon sa iyang amahan, “Kuhaa siya alang kanako kay siya nakapahimuot kaayo kanako.”