Genesis 24:29

Ang Biblia 2011

Ug si Rebecca may usa ka igsoon nga lalaki nga ginganlan ug si Laban. Ug si Laban midagan ngadto sa gawas padulong sa tawo didto sa tuboran.

Cross References

Genesis 24:30

Sa pagpakakita niya sa ariyos ug sa mga pulseras diha sa mga bukton sa iyang igsoon nga babaye, ug sa pagpakadungog niya sa mga pulong ni Rebecca nga iyang igsoon, “Mao kini ang gisulti kanako sa tawo,” siya miadto kaniya, iyang nakita siya didto sa tuboran uban sa mga kamilyo.

Genesis 24:55

Unya ang igsoon nga lalaki ug ang inahan ni Rebecca miingon, “Tugoti nga ang dalaga magpabilin kanamo sa makadiyot, bisan napulo lamang ka adlaw ug human niini makalakaw na siya.”

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 25:20

Ug si Isaac nagpanuigon ug 40 ka tuig sa pagpangasawa niya kang Rebecca nga anak ni Betuel nga Aramihanon, sa Padan-aram, ug igsoong babaye ni Laban nga Aramhanon.

Genesis 27:43

Busa karon, anak ko, tumana ang akong tingog; tindog ug kagiw ngadto kang Laban nga akong igsoon didto sa Haran.

Genesis 28:2

Tindog ug lakaw ngadto sa Padan-aram, sa balay ni Betuel nga amahan sa imong inahan ug pangasawa didto gikan sa mga anak ni Laban nga igsoon sa imong inahan.

Genesis 29:13

Sa pagkadungog ni Laban sa balita mahitungod kang Jacob, anak sa iyang igsoon nga babaye, midagan siya aron sa pagsugat kaniya. Ug gigakos niya si Jacob ug gihagkan ug gidala niya sa iyang balay. Ug si Jacob misugilon kang Laban sa tanan nga nahitabo.

Genesis 29:5

Siya miingon kanila, “Nakaila ba kamo kang Laban nga anak ni Nahor?” Ug sila miingon, “Nakaila kami kaniya.”