Ug si Abraham miingon sa iyang mga sulugoon, “Hulat una kamo dinhi uban sa asno. Ako ug ang bata moadto sa unahan ug mosimba didto ug kami mobalik nganhi kaninyo.”
Unya miduko ako ug misimba ako sa Ginoo ug gidayeg nako ang Ginoo, ang Dios sa akong agalon nga si Abraham, nga nagtultol kanako sa dalan nga tukma aron sa pagkuha sa anak nga babaye sa kadugo sa akong agalon alang sa iyang anak.
Unya si David miingon sa tibuok nga katilingban, “Dayega ninyo ang Ginoo nga inyong Dios.” Ug ang tibuok nga katilingban nagdayeg sa Ginoo, ang Dios sa ilang katigulangan ug nagduko sa ilang mga ulo ug nagsimba sa Ginoo, ug miyukbo sa hari.
Unya giduko ni Jehosafat ang iyang ulo ngadto sa yuta ug ang tibuok Juda ug ang mga nagpuyo sa Jerusalem nanghapa sa atubangan sa Ginoo, nagsimba sa Ginoo.
Unya si Hesekias nga hari ug ang mga pangulo misugo sa mga Levihanon sa pag-awit ug pagdayeg alang sa Ginoo uban sa mga pulong ni David ug ni Asaf nga propeta. Ug sila nag-awit sa mga pagdayeg uban sa kalipay ug miyukbo sila ug misimba.
Unya gidayeg ni Ezra ang Ginoo, ang gamhanang Dios, ug ang tibuok katawhan mitubag, “Amen, Amen,” binayaw ang ilang mga kamot ug ilang giduko ang ilang mga ulo ug gisimba ang Ginoo nga ang ilang mga nawong nag-atubang sa yuta.
Ngadto kaniya ang tanang mapahitas-on sa yuta mangyukbo; sa atubangan niya mangyukbo ang tanan nga nanaog ngadto sa abog, ug siya nga dili makahimo sa pagpabiling buhi sa iyang kaugalingon.
Kamo moingon, ‘Mao kini ang halad sa Pagsaylo sa Ginoo kay misaylo siya sa mga balay sa katawhan sa Israel didto sa Ehipto, sa dihang gipamatay niya ang mga Ehiptohanon, apan gisayloan niya ang atong mga panimalay.’ ” Ug ang katawhan miduko ug misimba.
Ug ang katawhan mituo. Sa pagkadungog nila nga ang Ginoo miduaw sa katawhan sa Israel ug nga nakita niya ang ilang kasakitan, giduko nila ang ilang mga ulo ug misimba sila.
“Uban sa unsa man nga ako maodto sa atubangan sa Ginoo, ug moyukbo sa atubangan sa halangdon nga Dios? Moduol ba ako kaniya uban sa mga halad nga sunogon, ug uban sa mga nating baka nga tagsa ka tuig ang kagulangon?
Sa diha nga si Gideon nakadungog sa pagsugilon sa damgo ug sa hubad niini, siya misimba ug mibalik ngadto sa kampo sa Israel ug miingon, “Pamangon kamo, kay ang Ginoo nagtugyan sa panon sa Midian nganha sa inyong mga kamot.”
