Genesis 24:17

Ang Biblia 2011

Unya ang sulugoon midagan sa pagsugat kaniya ug miingon, “Palihog paimna ako ug diyotay nga tubig sa imong banga.”

Cross References

Genesis 24:45

“Sa wala pa mahuman ang akong pagsulti sulod sa akong kasingkasing, si Rebecca migula nga nagpas-an ug banga diha sa iyang abaga ug nanaog didto sa tuboran ug nagkalos ug tubig. Ako miingon, ‘Palihog paimna ako.’

1 Mga Hari 17:10

Busa siya mitindog ug miadto sa Zarefat ug sa pag-abot niya sa ganghaan sa siyudad, dihay usa ka biyuda nga nangahoy ug gitawag niya siya ug giingnan, “Dad-i ako ug diyotay nga tubig sa usa ka sudlanan aron akong imnon.”

Isaias 21:14

Ngadto sa mga giuhaw, pagdala ug tubig, sugata ang mga nangagiw uban sa pan, O mga nagpuyo sa yuta sa Tema.

Isaias 30:25

Ug diha sa tanang habog nga bukid ug diha sa tanang habog nga bungtod modangat ang mga sapa ug mga suba sa mga tubig, sa adlaw sa dakong pagpamatay, sa diha nga mangapukan ang mga tore.

Isaias 49:10

dili sila gutomon o uhawon, ang init nga hangin o ang adlaw dili mohampak kanila, kay siya nga adunay kaluoy kanila magmando kanila, ug sa daplin sa mga tuboran sa tubig siya magtultol kanila.

Juan 4:7

Unya dihay usa ka babayeng Samarianhon nga miadto aron sa pagkalos ug tubig. Ug si Jesus miingon kaniya, “Paimna ako.”

Juan 4:9

Ang babayeng Samarianhon miingon kaniya, “Naunsa ba nga ikaw nga usa ka Judio nangayo ug mainom gikan kanako nga usa ka babayeng Samarianhon?” Tungod kay ang mga Judio dili makigsandurot sa mga Samarianhon.