Genesis 22:8

Ang Biblia 2011

Ug si Abraham miingon, “Ang Dios maghatag ug nating karnero alang sa halad nga sunogon, anak ko.” Busa mipadayon sila sa paglakaw nga nagkuyog.

Cross References

Genesis 18:14

Aduna bay mga butang nga lisod alang sa Dios? Sa gitakda nga panahon mobalik ako kanimo, sa tingpamulak, ug si Sarah makabaton ug usa ka anak nga lalaki.”

Genesis 22:14

Busa ginganlan ni Abraham kadtong dapita nga “Ang Ginoo mag-andam”, ingon nga kini gisulti hangtod karon, “Sa bungtod sa Ginoo kini ihatag.”

Genesis 22:7

Unya si Isaac misulti kang Abraham nga iyang amahan, “Amahan ko!” Ug siya miingon, “Ania ako, anak ko.” Ug siya miingon, “Ania ang kalayo ug ang sugnod apan hain man ang nating karnero alang sa halad nga sunogon?”

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

2 Mga Hari 2:6

Unya si Elias miingon kaniya, “Pabilin dinhi kay gipadala ako sa Ginoo ngadto sa Jordan.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Ug silang duha mipadayon.

2 Cronicas 25:9

Si Amasias miingon sa tawo sa Dios, “Apan unsay among buhaton mahitungod sa usa ka gatos ka talanton nga akong gihatag sa kasundalohan sa Israel?” Ang tawo sa Dios mitubag, “Ang Ginoo makahimo sa paghatag kanimo ug labaw pa ka daghan kay niini.”

Mateo 19:26

Si Jesus mitan-aw kanila ug miingon, “Sa tawo, dili kini mahimo apan sa Dios ang tanan mahimo.”

Juan 1:29

Sa pagkasunod nga adlaw iyang nakita si Jesus nga nagpaingon kaniya ug siya miingon, “Tan-awa, ang Nating Karnero sa Dios, ang nagkuha sa sala sa kalibotan!

Juan 1:36

Samtang nagtan-aw siya kang Jesus nga naglakaw, siya miingon, “Tan-awa, mao kana ang Nating Karnero sa Dios!”

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 5:12

nga nag-ingon sa kusog nga tingog, “Ang Nating Karnero nga gipatay takos sa pagdawat ug gahom ug bahandi ug kaalam ug kusog ug kadungganan ug himaya ug pagdayeg!”

Gipadayag 5:6

Ug sa taliwala sa trono ug sa upat ka buhing binuhat ug taliwala sa mga kadagkoan nakita nako ang usa ka Nating Karnero nga nagtindog nga daw gipatay, may pito ka sungay ug pito ka mata nga mao ang pito ka espiritu sa Dios nga gipadala ngadto sa tibuok nga yuta.

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.