Genesis 22:6

Ang Biblia 2011

Ug gikuha ni Abraham ang sugnod alang sa halad nga sunogon ug gipapas-an niya kini sa iyang anak ug siya mikuha sa kalayo ug sa punyal ug milakaw silang duha nga nagkuyog.

Cross References

Genesis 22:5

Ug si Abraham miingon sa iyang mga sulugoon, “Hulat una kamo dinhi uban sa asno. Ako ug ang bata moadto sa unahan ug mosimba didto ug kami mobalik nganhi kaninyo.”

2 Mga Hari 2:6

Unya si Elias miingon kaniya, “Pabilin dinhi kay gipadala ako sa Ginoo ngadto sa Jordan.” Apan siya miingon, “Ingon nga ang Ginoo buhi, ug ingon nga ikaw buhi, dili ako mobiya kanimo.” Ug silang duha mipadayon.

Isaias 53:6

Kitang tanan sama sa mga karnero nga nangasaag; ang matag usa kanato misimang ngadto sa iyang kaugalingon nga dalan; ug gibutang sa Ginoo diha kaniya ang kasal-anan natong tanan.

Mateo 8:17

Kini maoy pagtuman sa gisulti pinaagi sa propeta nga si Isaias, “Gikuha niya ang atong mga kaluyahon ug gipas-an ang atong mga sakit.”

Juan 19:17

Busa ilang gikuha si Jesus ug siya milakaw nga nagpas-an sa iyang kaugalingong krus, paingon sa dapit nga ginganlan ug dapit sa kalabera, nga sa Hebreo gitawag ug Golgota.

1 Pedro 2:24

Siya gayod mao ang midala sa atong mga sala diha sa iyang lawas ngadto sa kahoy, aron kita mamatay ngadto sa sala ug mabuhi ngadto sa pagkamatarong. Pinaagi sa iyang mga samad kamo nangaayo.