Genesis 22:3

Ang Biblia 2011

Busa si Abraham mibangon pagsayo nianang pagkabuntag ug iyang gisangonan ang iyang asno ug giuban niya ang duha ka batan-ong sulugoon ug si Isaac nga iyang anak. Ug nagbugha siya ug kahoy alang sa halad nga sunogon, ug mitindog ug miadto sa dapit nga giingon sa Dios kaniya.

Cross References

Genesis 17:23

Unya si Abraham mikuha kang Ismael nga iyang anak ug sa tanan nga mga ulipon nga natawo sa iyang balay, ug sa tanan nga iyang pinalit, ang tanan nga lalaki sa mga tawo sa balay ni Abraham. Ug gituli niya ang unod sa ilang yamis niadto gayong adlawa, sumala sa giingon sa Dios kaniya.

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 22:18

Ug pinaagi sa imong kaliwat ang tanang nasod sa yuta magpanalangin sa ilang kaugalingon kay gituman man nimo ang akong tingog.”

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Genesis 22:4

Sa ikatulo nga adlaw, giyahat ni Abraham ang iyang mga mata ug nakita niya ang dapit didto sa unahan.

Salmo 119:60

Midali ako ug wala maglangan sa pagtuman sa imong kasugoan.

Ecclesiastes 9:10

Bisan unsa nga makaplagan nga buhat sa imong kamot, buhata kana uban ang imong kusog; kay didto sa Sheol diin ikaw moadto walay buluhaton, o paghunahuna, o kahibalo o kaalam.

Mateo 10:37

Ang nahigugma sa iyang amahan o inahan labaw kanako, dili takos kanako, ug ang nahigugma sa iyang anak nga lalaki o anak nga babaye labaw kanako, dili takos kanako,

Lucas 14:26

“Kon adunay tawo nga moari kanako ug dili siya magdumot sa iyang kaugalingong amahan ug inahan ug asawa ug mga anak ug mga igsoong lalaki ug mga igsoong babaye, oo, ug bisan sa iyang kaugalingong kinabuhi, dili siya mahimong akong tinun-an.

Mga Taga-Galacia 1:16

sa pagpadayag sa iyang Anak dinhi kanako aron kini akong isangyaw ngadto sa mga Gentil, wala dayon ako magpakitambag kang bisan kinsa,

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.

Josue 3:1

Sayo sa kabuntagon si Josue mibangon ug mibiya sila gikan sa Sitim uban ang tanang katawhan sa Israel ug nangadto sa Jordan, ug nagpabilin sila didto sa wala pa sila manabok.

Josue 8:10

Sayo sa buntag si Josue mibangon ug gitigom ang katawhan ug mitungas uban sa mga kadagkoan sa Israel nga nag-una sa katawhan padulong sa Ai.