Genesis 22:17

Ang Biblia 2011

ikaw panalanginan gayod nako ug akong padaghanon ang imong mga kaliwat sama sa mga bituon sa langit ug ingon sa balas nga anaa sa baybayon sa dagat, ug ang imong mga kaliwat manag-iya sa ganghaan sa ilang mga kaaway.

Cross References

Genesis 12:2

Ug akong buhaton gikan kanimo ang usa ka dako nga nasod, ug ikaw panalanginan nako ug himoong bantogan ang imong ngalan, aron ikaw mahimo nga usa ka panalangin.

Genesis 13:16

Buhaton nako ang imong mga kaliwat nga ingon sa abog sa yuta, nga kon adunay tawo nga makaihap sa abog sa yuta, ang imong kaliwatan usab mahimong maihap.

Genesis 15:5

Ug gipagula niya siya ug giingnan, “Hangad sa langit ug ihapa ang mga bituon kon makahimo ka ba sa pag-ihap kanila.” Ug siya miingon kaniya, “Ingon usab niana ang imong kaliwatan.”

Genesis 17:6

Padaghanon ko ikaw sa hilabihan gayod ug maghimo ako ug mga nasod gikan kanimo, ug ang mga hari maggikan kanimo.

Genesis 24:60

Ug gipanalanginan nila si Rebecca, ug miingon sila kaniya, “Among igsoon, mahimo unta ikaw nga inahan sa liboan ka libo ug maangkon unta sa imong kaliwatan ang ganghaan niadtong nagdumot kanila.”

Genesis 25:11

Human sa kamatayon ni Abraham, si Isaac nga iyang anak gipanalanginan sa Dios. Ug mipuyo si Isaac sa Beer-lahai-roi.

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 26:4

Padaghanon nako ang imong mga kaliwat sama sa mga bituon sa langit ug ihatag nako sa imong kaliwatan kining tanang mga yuta, ug ang tanang mga nasod sa yuta mapanalanginan tungod sa imong kaliwat,

Genesis 28:3

Ug ang Dios nga Labing Gamhanan sa tanan magpanalangin kanimo ug maghimo kanimo nga mabungahon ug magpadaghan kanimo aron ikaw mahimo nga usa ka panon sa mga katawhan.

Genesis 28:4

Ihatag unta niya ang panalangin ni Abraham nganha kanimo ug sa imong kaliwat uban kanimo aron mapanununod nimo ang yuta nga imong gilangyawan nga gihatag sa Dios kang Abraham.”

Genesis 32:12

Apan ikaw gayod miingon, ‘Sa pagkatinuod, buhaton nako ang maayo ug ang imong mga kaliwat himoon nakong sama sa balas sa dagat nga dili maihap tungod sa kadaghan.’ ”

Genesis 32:13

Busa nagpabilin siya didto niadtong gabhiona ug nagkuha siya gikan sa mga butang nga diha kaniya, usa ka gasa alang kang Esau nga iyang igsoon:

2 Samuel 17:11

Apan ang akong tambag mao nga ang tibuok Israel kinahanglang pundokon nganha kanimo gikan sa Dan ngadto sa Beer-seba, sama sa balas nga anaa sa baybayon ang gidaghanon ug nga ikaw gayod moadto sa gubat.

1 Mga Hari 4:20

Ang Juda ug Israel ingon ka daghan sa balas nga anaa sa dagat, sila nangaon ug nanginom ug nangalipay.

1 Mga Hari 9:26

Si Hari Solomon naghimo ug usa ka panon sa mga barko didto sa Esion-geber nga duol sa Elat diha sa baybayon sa Dagat nga Pula, sa yuta sa Edom.

1 Cronicas 27:23

Wala ipha ni David kadtong ubos sa 20 ka tuig ang panuigon kay ang Ginoo nagsaad nga iyang himoon ang Israel nga sama kadaghan sa mga bituon sa langit.

2 Cronicas 1:9

O Ginoo nga Dios, himoa nga matuman karon ang imong saad kang David nga akong amahan kay ikaw naghimo kanako nga hari sa usa ka katawhan nga sama ka daghan sa abog sa yuta.

Nehemias 9:23

Ang ilang mga kaliwat imong gipasanay sama sa mga bituon sa langit ug imong gidala ngadto sa yuta nga adtoan ug panag-iyahon sumala sa imong gisulti sa ilang mga katigulangan.

Exodo 32:13

Hinumdomi si Abraham, si Isaac ug si Israel nga imong mga alagad, nga imong gipanumpaan sa imong kaugalingon, ug ikaw miingon kanila, ‘Padaghanon nako ang inyong kaliwat sama sa mga bituon sa langit ug kining tibuok nga yuta nga akong gisaad, akong ihatag sa inyong kaliwatan, ug sila makapanunod niini hangtod sa kahangtoran.’ ”

Isaias 48:19

ang imong mga kaliwat mahisama unta sa balas, ug ang mga anak sa imong sabakan mahisama sa mga lugas niini; ang ilang ngalan dili unta mapuo o laglagon gikan sa akong atubangan.”

Jeremias 32:22

Ikaw naghatag kanila niining yutaa nga imong gipanumpa sa ilang mga katigulangan nga ihatag kanila, yuta diin nag-agas ang gatas ug dugos;

Jeremias 33:22

Ingon nga ang panon sa langit dili maihap ug ang mga balas sa dagat dili matakos, padaghanon usab nako ang kaliwat ni David nga akong alagad ug ang mga Levihanon nga mga pari nga nag-alagad kanako.”

Oseas 1:10

Bisan pa niana ang gidaghanon sa katawhan sa Israel mahisama sa balas sa dagat, nga dili matakos o maihap, ug sa dapit diin kini gisulti kanila, “Kamo dili akong katawhan,” kini isulti kanila “Mga anak sa buhi nga Dios.”

Oseas 2:1

Ingna ninyo ang inyong igsoong lalaki, “Ammi” ug ang inyong igsoong babaye, Ruhama.

Miqueas 1:9

Kay ang iyang mga samad walay pagkaayo; ug kini miabot sa Juda, kini miabot ngadto sa ganghaan sa akong katawhan, hangtod sa Jerusalem.

Roma 4:13

Ang saad ngadto kang Abraham ug sa iyang mga kaliwat, nga sila manununod sa kalibotan, wala moabot pinaagi sa Balaod kondili pinaagi sa pagkamatarong sa pagtuo.

Roma 9:27

Ug si Isaias mituaw mahitungod sa Israel, “Bisan pa kon ang gidaghanon sa mga anak ni Israel sama sa balas sa dagat, ang mahibilin lamang mao ang maluwas,

1 Mga Taga-Corinto 15:57

Apan salamat sa Dios nga mao ang naghatag kanato sa kadaogan pinaagi sa atong Ginoong Jesu-Cristo.

Mga Taga-Efeso 1:3

Dayegon nato ang Dios ug Amahan sa atong Ginoong Jesu-Cristo, nga pinaagi kang Cristo nagpanalangin kanato sa tanang mga espirituhanong panalangin diha sa mga langitnong dapit.

Deuteronomio 1:10

Ang Ginoo nga inyong Dios nagpadaghan kaninyo, ug tan-awa, niining adlawa kamo sama sa mga bituon sa langit ang gidaghanon.

Deuteronomio 1:11

Hinaot pa nga ang Ginoo, ang Dios sa inyong katigulangan, maghimo kaninyo nga libo ka pilo sa inyong gidaghanon karon ug magpanalangin kaninyo, sumala sa iyang gisaad kaninyo!

Deuteronomio 10:22

Ang inyong katigulangan milugsong ngadto sa Ehipto, 70 ka tawo, ug karon ang Ginoo nga inyong Dios naghimo kaninyo nga sama sa mga bituon sa langit ang gidaghanon.

Deuteronomio 13:17

Kinahanglang walay mahibilin sa ginahin nga mga butang diha sa inyong mga kamot aron ang Ginoo magpahilayo sa kabangis sa iyang kapungot ug magpakita kaninyo ug kaluoy ug puangod nganha kaninyo ug magpadaghan kaninyo sumala sa iyang gipanumpa sa inyong katigulangan,

Deuteronomio 13:18

kon inyong tumanon ang tingog sa Ginoo nga inyong Dios, magtuman sa tanan niyang mga sugo nga akong gisugo kaninyo niining adlawa ug magbuhat sa matarong diha sa panan-aw sa Ginoo nga inyong Dios.

Deuteronomio 21:19

kuptan siya sa iyang amahan ug sa iyang inahan ug dad-on siya ngadto sa mga kadagkoan sa iyang siyudad, sa ganghaan sa dapit diin didto siya magpuyo.

Mga Hebreo 11:12

Busa gikan sa usa ka tawo, kaniya nga sama ra sa patay na, misanay ang mga kaliwatan nga sama ka daghan sa mga bituon sa kalangitan ug nga ingon sa dili maisip nga balas sa kabaybayonan.

Mga Hebreo 6:14

nga nag-ingon, “Sa pagkatinuod panalanginan ko ikaw ug pasanayon ko ikaw.”

Gipadayag 11:15

Unya ang ikapitong anghel mipatingog sa iyang trumpeta, ug sa langit dihay mga kusog nga tingog nga nag-ingon, “Ang gingharian sa kalibotan nahimong gingharian sa atong Ginoo ug sa iyang Cristo, ug siya maghari hangtod sa kahangtoran.”