Genesis 22:11

Ang Biblia 2011

Apan ang anghel sa Ginoo mitawag kaniya gikan sa kalangitan nga nag-ingon, “Abraham, Abraham!” Ug siya miingon, “Ania ako.”

Cross References

Genesis 16:7

Unya ang anghel sa Ginoo nakakita kaniya tupad sa usa ka tuboran sa tubig didto sa kamingawan, ang tuboran nga diha sa dalan paingon sa Sur.

Genesis 21:17

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya.

Genesis 21:18

Tindog, sakwata ang bata ug kupti siya pag-ayo sa imong kamot, kay himoon nako siya nga usa ka dakong nasod.”

Genesis 22:1

Human niadtong mga hitaboa ang Dios nagsulay kang Abraham ug miingon kaniya, “Abraham!” Ug siya miingon, “Ania ako.”

Genesis 22:10

Ug gituy-od ni Abraham ang iyang kamot, ug gikuha niya ang iyang punyal aron sa pagpatay sa iyang anak.

Genesis 22:12

Ug siya miingon, “Ayaw bakyawa ang imong kamot batok sa bata o magbuhat kaniya sa bisan unsa kay karon akong naila nga ikaw nahadlok sa Dios, sa nakita nako nga wala ikaw maghikaw sa imong bugtong nga anak ngari kanako.”

Genesis 22:16

ug miingon, “Tungod sa akong kaugalingon nanumpa ako,” nag-ingon ang Ginoo, “nga tungod kay gibuhat nimo kini ug wala ikaw maghikaw kanako sa imong anak, sa imong bugtong nga anak,

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 31:11

Unya ang anghel sa Dios miingon kanako sa damgo, ‘Jacob’, ug ako miingon kaniya, ‘Ania ako.’

Genesis 37:13

Ug si Israel miingon kang Jose, “Dili ba ang imong mga igsoon nanugway man sa mga kahayopan didto sa Sekem? Duol ngari, ug sugoon ko ikaw ngadto kanila.” Ug siya miingon kaniya, “Ania ako.”

Genesis 46:2

Ug ang Dios misulti kang Israel pinaagi sa mga panan-awon nianang pagkagabii ug miingon, “Jacob, Jacob.” Ug siya miingon, “Ania ako.”

Genesis 48:16

ang anghel nga nagluwas kanako gikan sa tanan nga kadaotan, magpanalangin niining mga batan-on, ug diha kanila ang akong ngalan magpadayon ug ang ngalan sa akong mga ginikanan nga si Abraham ug si Isaac, ug magpadaghan kanila sa hilabihan gayod sa taliwala sa yuta.”

Exodo 3:2

Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw.

Exodo 3:4

Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.”

Isaias 6:8

Unya akong nadungog ang tingog sa Ginoo nga nag-ingon, “Kinsa man ang akong ipadala, ug kinsay moadto alang kanamo?” Unya miingon ako, “Ania ako, paadtoa ako.”

Mga Buhat 26:14

Ug sa nangatumba kaming tanan sa yuta, nadungog nako ang usa ka tingog nga misulti kanako sa sinultihan nga Hebreo, nga nag-ingon, ‘Saulo, Saulo, nganong gilutos man nimo ako? Lisod alang kanimo ang pagpatid sa mga ugsok.’

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”

Mga Maghuhukom 2:1

Unya ang anghel sa Ginoo mitungas gikan sa Gilgal ngadto sa Bokim. Ug siya miingon, “Gikuha nako kamo gikan sa Ehipto ug gidala ngadto sa yuta nga akong gipanumpa nga ihatag sa inyong katigulangan. Ug ako miingon, ‘Dili gayod nako lapason ang akong kasabotan uban kaninyo,

1 Samuel 3:10

Unya ang Ginoo mitungha ug mitindog nga nagtawag sama sa unang mga higayon, “Samuel! Samuel!” Ug si Samuel miingon, “Sulti, kay ang imong sulugoon mamati.”

1 Samuel 3:4

Unya ang Ginoo mitawag, “Samuel! Samuel!” Ug siya mitubag, “Ania ako.”