Genesis 21:6

Ang Biblia 2011

Ug si Sarah miingon, “Ang Dios nagpakatawa kanako aron ang tanan nga makadungog magkatawa uban kanako.”

Cross References

Genesis 17:17

Unya si Abraham mihapa sa yuta ug mikatawa, ug miingon sa iyang kaugalingon, “Sa lalaki nga usa na ka gatos ka tuig, matawo pa ba ang usa ka anak? Ug si Sarah nga 90 na ka tuig, manganak pa ba?”

Salmo 113:9

Ang babaye nga dili manganak gihatagan niya ug panimalay, naghimo kaniya nga malipayon nga inahan sa mga anak. Dayega ang Ginoo!

Salmo 126:2

Unya ang atong mga baba napuno sa pagkatawa, ug ang atong mga dila sa paghugyaw sa kalipay; unya misulti sila sa kanasoran, “Ang Ginoo nagbuhat ug dagkong mga butang alang kanila.”

Isaias 49:15

“Malimot ba ang usa ka babaye sa iyang masuso nga bata, nga dili siya magbaton ug kaluoy sa anak sa iyang taguangkan? Bisan kini sila makalimot, apan ako dili gayod malimot kanimo.

Isaias 49:21

Unya moingon ikaw sa imong kasingkasing, ‘Kinsay nanganak niini alang kanako? Ako namatyan ug dili na manganak, hininginlan ug sinalikway, apan kinsay nagpadako niini? Tan-awa, ako nag-inusara; diin man kini sila gikan?’ ”

Isaias 54:1

“Pag-awit, O ikaw nga wala manganak; hugyaw diha sa pag-awit ug singgit ug kusog, ikaw nga wala gayod mag-antos sa pagpanganak! Kay labaw pa ka daghan ang mga anak sa biniyaan kay sa mga anak sa minyo nga babaye, nag-ingon ang Ginoo.

Jeremias 20:15

Tinunglo ang tawo nga nagdala ug balita ngadto sa akong amahan, nga nag-ingon, “Usa ka bata nga lalaki natawo kanimo,” naghimo kaniya nga malipayon kaayo.

Lucas 1:14

Ug ikaw makaangkon ug kalipay ug kamaya, ug daghan ang malipay sa iyang pagkatawo;

Lucas 1:58

Ang iyang mga silingan ug kabanayan nakadungog nga ang Ginoo nagpakita ug dakong kaluoy kaniya, ug sila nalipay duyog kaniya.

Roma 12:15

Paglipay kamo duyog sa mga nalipay, hilak duyog sa mga nanghilak.

Mga Hebreo 11:11

Tungod sa pagtuo si Sara gayod nakadawat usab ug gahom sa pagsamkon, bisan tuod siya lapas na sa panuigon, kay iya mang giisip nga kasaligan kadtong naghimo sa saad.

1 Samuel 1:26

Ug si Hana miingon, “O akong agalon! Ingon nga ikaw buhi pa, akong agalon, ako kadtong babaye nga mitindog dinhi sa imong atubangan ug nag-ampo sa Ginoo.