Genesis 21:30

Ang Biblia 2011

Ug siya miingon, “Kanang pito ka nating karnero nga baye, kuhaon nimo sa akong kamot aron nga sila mahimong saksi nga ako ang mikalot sa maong atabay.”

Cross References

Genesis 21:28

Ug naglain si Abraham ug pito ka buok nating karnero nga baye.

Genesis 21:29

Ug si Abimelek miingon kang Abraham, “Unsa bay kahulogan nianang pito ka nating karnero nga baye nga imong gilain?”

Genesis 26:15

Niadtong panahona ang tanan nga mga atabay nga gipangkalot sa mga sulugoon sa iyang amahan nga si Abraham gipangtabonan sa mga Filistihanon ug gipuno nila kini ug yuta.

Genesis 26:18

Ug gikalot pag-usab ni Isaac ang mga atabay sa tubig nga ilang gikalot sa mga adlaw ni Abraham nga iyang amahan kay gitabonan kini sa mga Filistihanon human mamatay si Abraham. Ug kini ginganlan niya sama sa mga ngalan nga gihatag kanila sa iyang amahan.

Genesis 31:52

Kining tinapok mao ang saksi ug kining haligi mao ang saksi, nga ako dili molabang niining tinapok nganha kanimo ug nga ikaw dili molabang niining tinapok ug niining haligi ngari kanako aron sa paghimo ug daotan.

Josue 24:27

Ug si Josue miingon sa tibuok katawhan, “Tan-awa, kining batoha mahimong usa ka saksi batok kanato kay kini nakadungog sa tanang mga pulong sa Ginoo nga iyang gisulti kanato, busa kini mahimong usa ka saksi batok kaninyo kay tingali unya ug inyong limbongan ang inyong Dios.”