Genesis 21:3

Ang Biblia 2011

Ug ginganlan ni Abraham ug Isaac ang iyang anak nga lalaki nga gipanganak ni Sarah kaniya.

Cross References

Genesis 17:19

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Genesis 17:21

Apan lig-onon nako ang akong kasabotan uban kang Isaac nga ipanganak ni Sarah kanimo niining panahona sa mosunod nga tuig.”

Genesis 21:12

Ug ang Dios miingon kang Abraham, “Ayaw pagsubo tungod sa bata nga lalaki ug tungod sa imong ulipon nga babaye. Ang tanan nga gisulti ni Sarah kanimo himoa kay gikan kang Isaac nganlan ang imong mga kaliwat.

Genesis 21:6

Ug si Sarah miingon, “Ang Dios nagpakatawa kanako aron ang tanan nga makadungog magkatawa uban kanako.”

Genesis 22:2

Ug siya miingon, “Kuhaa karon ang imong anak, ang bugtong nimong anak nga si Isaac nga imong pinalangga, ug lakaw ngadto sa yuta sa Moria ug didto ihalad siya ingon nga halad nga sunogon didto sa usa sa mga bukid nga akong isulti kanimo.”

Genesis 25:19

Kini mao ang mga kaliwat ni Isaac nga anak ni Abraham. Si Abraham mao ang amahan ni Isaac.

Mateo 1:2

Si Abraham mao ang amahan ni Isaac, ug si Isaac ang amahan ni Jacob, ug si Jacob ang amahan nila ni Juda ug sa iyang mga igsoong lalaki,

Mga Buhat 7:8

Busa gihatag sa Dios kaniya ang kasabotan mahitungod sa pagtuli. Ug si Abraham nahimong amahan kang Isaac, ug kini iyang gituli sa ikawalo nga adlaw; ug si Isaac nahimong amahan kang Jacob ug si Jacob sa napulo ug duha ka patriarka.

Roma 9:7

ug dili ang tanan nga mga anak ni Abraham tinuod niyang mga kaliwat, kon dili “Pinaagi kang Isaac nganlan ang imong mga kaliwat.”

Mga Hebreo 11:18

nga mahitungod kaniya kini giingon, “Pinaagi kang Isaac ang imong mga kaliwat hatagan ug ngalan.”

Josue 24:3

Unya gikuha nako ang inyong amahan nga si Abraham gikan sa unahan sa Suba ug gidala nako siya ngadto sa kayutaan sa Canaan ug gipadaghan nako ang iyang kaliwat ug gihatag nako kaniya si Isaac.