Genesis 21:23

Ang Biblia 2011

Busa karon, panumpa kanako tungod sa Dios, nga dili ka maglimbong kanako o sa akong mga anak ug sa akong mga kaliwat kondili nga sama sa kaayo nga akong gibuhat nganha kanimo, mao usab ang buhaton nimo ngari kanako ug ingon man sa yuta nga imong gilangyawan.”

Cross References

Genesis 20:14

Unya si Abimelek mikuha ug mga karnero ug mga baka, ug mga ulipon nga lalaki ug mga ulipon nga babaye ug iya kining gihatag kang Abraham, ug iyang giuli kang Abraham si Sarah nga iyang asawa.

Genesis 21:24

Ug si Abraham miingon, “Ako manumpa.”

Genesis 24:3

ug papanumpaon ko ikaw pinaagi sa Ginoo, ang Dios sa langit, ang Dios sa yuta, nga dili ka mangita ug maasawa alang sa akong anak gikan sa mga anak sa mga Canaanhon diin ako magpuyo.

Genesis 26:28

Sila miingon, “Nakita namo sa dayag gayod nga ang Ginoo nag-uban kanimo busa nag-ingon kami, ‘Himoon nato ang usa ka panumpa tali kanimo ug kanamo, ug maghimo ug kasabotan uban kanimo,

Genesis 31:44

Busa karon, magbuhat kita ug kasabotan, ikaw ug ako, ug kini maoy saksi tali kanimo ug kanako.”

Genesis 31:53

Ang Dios ni Abraham, ug ang Dios ni Nahor, ang Dios sa ilang amahan maghukom taliwala kanato.” Ug si Jacob nanumpa pinaagi sa kahadlok ni Isaac nga iyang amahan.

Genesis 39:3

Ug nakita sa iyang agalon nga ang Ginoo nag-uban kaniya ug gipauswag sa Ginoo ang tanan nga gibuhat sa iyang kamot.

Genesis 47:31

Ug siya miingon, “Panumpa kanako.” Ug siya nanumpa kaniya. Unya si Israel miyukbo didto sa ulohan sa iyang higdaanan.

Jeremias 4:2

ug kon ikaw manumpa, ‘Ingon nga ang Ginoo buhi,’ diha sa kamatuoran, sa hustisya ug sa pagkamatarong, ang mga nasod magpanalangin sa ilang kaugalingon diha kaniya, ug diha kaniya sila magpasidungog.”

2 Mga Taga-Corinto 1:23

Apan ako nagtawag sa Dios ingon nga saksi batok sa akong kinabuhi—aron malikay kamo sa kasakit wala na lang ako moanha diha sa Corinto.

Deuteronomio 6:13

Kahadloki ninyo ang Ginoo nga inyong Dios. Pag-alagad kamo kaniya ug panumpa pinaagi sa iyang ngalan.

Mga Hebreo 6:16

Sa pagkatinuod ang mga tawo nanumpa ngadto nga labaw pa kay kanila. Ug alang kanila ang usa ka panumpa ingon nga pagmatuod maoy motapos sa tanan nilang panagbingkil.

Josue 2:12

Busa karon, panumpa kamo kanako sa ngalan sa Ginoo, ingon nga ako naghatag kaninyo ug maayong pagtagad, kamo usab kinahanglang maluoy sa panimalay sa akong amahan, ug hatagi ako ug usa ka tino nga ilhanan.

1 Samuel 20:13

Apan kon ikalipay sa akong amahan ang pagbuhat ug daotan kanimo, ang Ginoo maghimo sa ingon kang Jonatan, ug labaw pa gani kon dili ako motug-an kanimo ug mopakagiw kanimo aron malayo ikaw sa kakuyaw. Ang Ginoo mag-uban unta kanimo ingon nga siya nag-uban kaniadto sa akong amahan.

1 Samuel 20:17

Ug gipapanumpa pag-usab ni Jonatan si David nga higugmaon siya kay gihigugma man niya si David sama sa iyang kaugalingong kalag.

1 Samuel 20:42

Unya si Jonatan miingon kang David, “Lakaw uban ang kalinaw tungod kay kita nakapanumpa na sa ngalan sa Ginoo, nga nag-ingon, ‘Ang Ginoo nagpataliwala kanako ug kanimo ug sa akong kaliwat ug sa imong kaliwat hangtod sa kahangtoran.’ ” Ug siya mitindog ug milakaw ug si Jonatan misulod sa siyudad.

1 Samuel 30:15

Ug si David miingon kaniya, “Tultulan ba nimo ako ngadto sa maong panon?” Ug siya miingon, “Ipanumpa ngari kanako tungod sa Dios, nga dili nimo ako patyon o itugyan ngadto sa kamot sa akong agalon, ug ako magtultol kanimo ngadto sa maong panon.”