Genesis 21:22

Ang Biblia 2011

Niadtong panahona si Abimelek ug si Picol nga pangulo sa iyang kasundalohan miingon kang Abraham, “Ang Dios nag-uban kanimo diha sa tanan nimong gibuhat.

Cross References

Genesis 20:14

Unya si Abimelek mikuha ug mga karnero ug mga baka, ug mga ulipon nga lalaki ug mga ulipon nga babaye ug iya kining gihatag kang Abraham, ug iyang giuli kang Abraham si Sarah nga iyang asawa.

Genesis 20:17

Ug si Abraham nag-ampo ngadto sa Dios ug ang Dios nag-ayo kang Abimelek ug sa iyang asawa ug sa iyang mga ulipon nga babaye nga tungod niana nanganak sila.

Genesis 20:2

Ug miingon si Abraham mahitungod kang Sarah nga iyang asawa, “Siya akong igsoon.” Ug si Abimelek nga hari sa Gerar, nagsugo ug gikuha niya si Sarah.

Genesis 26:26

Unya si Abimelek miadto kaniya gikan sa Gerar kuyog kang Ahusat, nga iyang magtatambag ug kang Picol nga pangulo sa iyang kasundalohan.

Genesis 26:28

Sila miingon, “Nakita namo sa dayag gayod nga ang Ginoo nag-uban kanimo busa nag-ingon kami, ‘Himoon nato ang usa ka panumpa tali kanimo ug kanamo, ug maghimo ug kasabotan uban kanimo,

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Genesis 30:27

Apan si Laban miingon kaniya, “Kon imo akong tugotan sa pagsulti niini, nahibaloan nako pinaagi sa panagna nga ang Ginoo nagpanalangin kanako tungod kanimo.

Genesis 31:5

ug miingon kanila, “Nakita nako nga ang tinagdan sa inyong amahan kanako dili na sama kaniadto, apan ang Dios sa akong amahan nag-uban kanako.

2 Samuel 24:7

unya miabot sa kuta sa Tiro ug sa tanang siyudad sa mga Hibihanon ug sa mga Canaanhon, ug miadto sila ngadto sa Negeb sa Juda didto sa Beer-seba.

2 Cronicas 1:1

Si Solomon nga anak ni David naglig-on sa iyang kaugalingon diha sa iyang gingharian ug ang Ginoo nga iyang Dios nag-uban kaniya, ug naghimo kaniya nga hilabihan ka bantogan.

Isaias 45:14

Mao kini ang giingon sa Ginoo: “Ang bahandi sa Ehipto ug ang patigayon sa Etiopia, ug ang mga Sabeanhon, mga tawo nga maayo ug barog, manganha kanimo ug sila maimo, sila mosunod kanimo; kinadinahan sila nga manganha ug manghapa sa imong atubangan. Mangaliyupo sila kanimo nga mag-ingon, ‘Ang Dios anaa kanimo lamang ug wala nay lain, walay laing Dios gawas kaniya.’ ”

Isaias 8:10

Pagsabot kamo, apan kini mahimong walay kapuslanan, isulti ang pulong apan dili kini mobarog, kay ang Dios ania nag-uban kanato.

Zacarias 8:23

Mao kini ang giingon sa Ginoo sa mga panon: Nianang mga adlawa napulo ka tawo gikan sa tanang mga pinulongan sa mga nasod ang mokupot sa kupo sa usa ka Judio, nga mag-ingon, ‘Paubana kami kanimo kay kami nakadungog nga ang Dios nag-uban kanimo.’ ”

Mateo 1:23

“Tan-awa, usa ka ulay magsabak ug manganak sa usa ka bata nga lalaki, ug ang iyang ngalan tawgon ug Emmanuel” (nga nagkahulogan: Ang Dios uban kanato).

Roma 8:31

Busa unsa may atong isulti mahitungod niini? Kon ang Dios dapig kanato, kinsa man ang mobatok kanato?

1 Mga Taga-Corinto 14:25

ibutyag ang mga tinagoan sa iyang kasingkasing. Ug busa, samtang siya magduko, iyang simbahon ang Dios ug iyang ipahayag nga ang Dios anaa gayod uban kaninyo.

Mga Hebreo 13:5

Bantayi ang inyong kinabuhi nga malikay sa pagkamahigugmaon sa salapi ug himoa nga matagbaw kamo sa inyong mga naangkon karon, kay siya gayod mao ang nag-ingon, “Dili ko gayod ikaw pasagdan o biyaan.”

Josue 3:7

Ang Ginoo miingon kang Josue, “Niining adlawa sugdan nako ang pagpasidungog kanimo diha sa panan-aw sa tibuok Israel aron sila mahibalo nga ingon nga ako nag-uban kang Moises, mag-uban usab ako kanimo.

Gipadayag 3:9

Tan-awa, sila nga mga iya sa sinagoga ni Satanas, nga nag-ingon nga sila mga Judio apan dili diay, hinuon namakak, tan-awa, kini sila paanhaon nako ug pahapaon diha sa imong tiilan, ug pailhon nako sila nga ikaw akong gihigugma.

1 Samuel 24:22

Ug si David nanumpa niini kang Saul. Unya si Saul mipauli apan si David ug ang iyang mga tawo nangadto sa lig-ong kuta.

1 Samuel 3:19

Si Samuel mitubo ug ang Ginoo nag-uban kaniya ug walay nakawang sa tanan niyang gisulti.