Genesis 21:21

Ang Biblia 2011

Ug nagpuyo siya sa kamingawan sa Paran ug ang iyang inahan nagpili alang kaniya ug usa ka asawa gikan sa yuta sa Ehipto.

Cross References

Genesis 14:6

ug ang mga Horihanon didto sa ilang bukid sa Seir hangtod sa patag sa El-paran sa utlanan sa kamingawan.

Genesis 16:3

Busa si Sarai nga asawa ni Abram mikuha kang Hagar nga iyang ulipon nga Ehiptohanon, ug gipaasawa siya kang Abram nga iyang bana. Kini nahitabo human si Abram makapuyo ug napulo ka tuig sa yuta sa Canaan.

Genesis 25:18

Sila mipuyo gikan sa Havila hangtod sa Sur nga atbang sa Ehipto, padulong sa Asiria ug nagpuyo siya nga kabatok sa tanan niyang mga kaigsoonan.

Genesis 27:46

Unya miingon si Rebecca kang Isaac, “Naugtas ako sa akong kinabuhi tungod sa mga babayeng Hitihanon. Kon si Jacob mangasawa sa usa sa mga babayeng Hitihanon nga ingon niini, usa sa mga babaye niining yutaa, unsay kapuslanan sa akong kinabuhi?”

1 Mga Hari 11:18

Migikan sila sa Midian ug miadto sa Paran ug nagkuha sila ug mga tawo gikan sa Paran ug nangadto sa Ehipto, ngadto sa Paraon nga mihatag kaniya ug usa ka balay ug naghatag kaniya ug mga pagkaon ug mihatag kaniya ug yuta.

2 Cronicas 24:3

Si Jehoiada nagkuha ug duha ka asawa alang kaniya ug siya nakabaton ug mga anak nga lalaki ug mga anak nga babaye.

Jeremias 29:6

Pangasawa kamo ug panganak kamo ug mga anak nga lalaki ug mga anak nga babaye. Pagkuha ug maasawa sa inyong mga anak nga lalaki, ug ihatag ang inyong mga anak nga babaye diha sa kaminyoon aron sila manganak ug mga anak nga lalaki ug mga anak nga babaye. Sanay kamo didto ug ayaw pagpakunhod.

Habacuc 3:3

Ang Dios mianhi gikan sa Teman, ug ang Balaan gikan sa Bukid sa Paran. Ang iyang himaya milukop sa kalangitan, ug ang yuta napuno sa pagdayeg. Selah

Numeros 10:12

Ug ang katawhan sa Israel nanglakaw gikan sa kamingawan sa Sinai sumala sa han-ay sa ilang pagpanaw ug ang panganod mihunong sa kamingawan sa Paran.

Numeros 12:16

Human niini ang katawhan mipanaw gikan sa Haserot ug mipahiluna sa ilang kampo didto sa kamingawan sa Paran.

Numeros 13:26

Ug miadto sila kang Moises ug kang Aaron ug sa tibuok nga katilingban sa katawhan sa Israel nga didto sa kamingawan sa Paran, didto sa Cades. Nagdala sila sa taho ngadto kanila ug sa tibuok nga katilingban ug gipakita nila ang bunga sa maong yuta.

Numeros 13:3

Busa si Moises mipadala kanila gikan sa kamingawan sa Paran sumala sa sugo sa Ginoo, silang tanan mga pangulo sa katawhan sa Israel.

1 Mga Taga-Corinto 7:38

Busa ang mangasawa sa iyang hinigugma nga ulay nagbuhat sa maayo apan ang dili mangasawa nagbuhat sa labaw pa ka maayo.

Mga Maghuhukom 14:2

Ug siya mitungas ug misugilon sa iyang amahan ug inahan, “Nakita nako ang usa sa mga anak nga babaye sa mga Filistihanon didto sa Timna, busa karon, kuhaa siya alang kanako aron akong maasawa.”

1 Samuel 25:1

Unya namatay si Samuel, ug ang tibuok nga Israel nagtigom ug nagbangutan alang kaniya, ug gilubong siya didto sa iyang balay sa Rama. Unya si David mitindog ug miadto sa kamingawan sa Paran.