Genesis 21:20

Ang Biblia 2011

Ug ang Dios nag-uban sa bata ug midako siya. Nagpuyo siya sa kamingawan ug nahimo siyang hanas sa pagpamana.

Cross References

Genesis 10:9

Siya mao ang bantogan nga mangangayam sa atubangan sa Ginoo nga tungod niana kini giingon, “Sama kang Nimrod nga bantogang mangangayam sa atubangan sa Ginoo.”

Genesis 16:12

Ug siya mahimong sama sa ihalas nga asno, ang iyang kamot batok sa tanan ug ang mga kamot sa tanang tawo batok usab kaniya ug siya magpuyo nga batok sa tanan niyang mga igsoon.”

Genesis 17:20

Ug mahitungod usab kang Ismael, ikaw gipatalinghogan nako. Tan-awa panalanginan nako siya ug himoon nga mabungahon ug padaghanon sa hilabihan gayod. Mahimo siyang amahan sa napulo ug duha ka pangulo ug buhaton nako siya nga usa ka dakong nasod.

Genesis 25:27

Sa dihang midako na ang mga bata, si Esau nahimong batid sa pagpangayam, tawo sa kapatagan, apan si Jacob tawo nga hilomon nga anaa kanunay sa sulod sa tolda.

Genesis 27:3

Busa karon, kuhaa ang imong mga hinagiban, ang imong baslayan ug ang imong pana, ug adto sa kapatagan ug pangayam alang kanako.

Genesis 28:15

Tan-awa, ako mag-uban kanimo ug magbantay kanimo bisan asa ikaw moadto ug ikaw pabalikon nako niining yutaa kay ako dili mobiya kanimo hangtod nga matuman nako ang akong gisulti kanimo.”

Genesis 39:21

Apan ang Ginoo nag-uban kang Jose ug nagpakita kaniya sa gugmang walay paglubad ug gihimo siya nga mahimut-an sa panan-aw sa tinugyanan sa bilanggoan.

Lucas 1:80

Unya ang bata midako ug nahimong lig-on sa espiritu, ug didto siya magpuyo sa kamingawan hangtod sa adlaw sa iyang pagpakita ngadto sa Israel.

Lucas 2:40

Ug ang bata mitubo ug nahimong kusgan, puno sa kaalam, ug ang kahimuot sa Dios diha kaniya.

Mga Maghuhukom 6:12

Ug ang anghel sa Ginoo mipakita kaniya ug miingon, “Ang Ginoo nag-uban kanimo, ikaw nga tawong kusgan ug isog.”