Genesis 21:17

Ang Biblia 2011

Ug nadungog sa Dios ang tingog sa bata ug ang anghel sa Dios mitawag kang Hagar gikan sa langit, ug miingon kaniya, “Unsay nakapaguol kanimo, Hagar? Ayaw kahadlok, kay ang Dios nakadungog sa tingog sa bata diin atua siya.

Cross References

Genesis 15:1

Human niining mga butanga, ang pulong sa Ginoo miabot kang Abram pinaagi sa usa ka panan-awon, “Ayaw kahadlok, Abram, ako mao ang imong taming ug ang imong ganti dako kaayo.”

Genesis 16:11

Ang anghel sa Ginoo miingon usab, “Tan-awa, ikaw nagsamkon, ug manganak ikaw ug usa ka batang lalaki, ug nganlan nimo siya ug Ismael kay gipatalinghogan sa Ginoo ang imong kagul-anan.

Genesis 16:7

Unya ang anghel sa Ginoo nakakita kaniya tupad sa usa ka tuboran sa tubig didto sa kamingawan, ang tuboran nga diha sa dalan paingon sa Sur.

Genesis 16:8

Ug siya miingon, “Hagar, ulipon ni Sarai, diin ka gikan ug asa ka paingon?” Ug siya mitubag, “Mikagiw ako gikan kang Sarai nga akong agalon.”

Genesis 16:9

Ug ang anghel sa Ginoo miingon kaniya, “Balik ngadto sa imong agalon nga babaye ug pagpailalom kaniya.”

Genesis 22:11

Apan ang anghel sa Ginoo mitawag kaniya gikan sa kalangitan nga nag-ingon, “Abraham, Abraham!” Ug siya miingon, “Ania ako.”

Genesis 24:7

Ang Ginoo, ang Dios sa langit, nga mikuha kanako gikan sa balay sa akong amahan ug gikan sa yuta nga akong natawhan ug misulti kanako ug nanumpa kanako, ‘Ngadto sa imong kaliwatan ihatag nako kining yutaa,’ siya magsugo sa iyang anghel una kanimo ug ikaw magkuha ug maasawa sa akong anak gikan didto.

Genesis 26:24

Ug mipakita kaniya ang Ginoo niadtong gabhiona ug miingon, “Ako mao ang Dios ni Abraham nga imong amahan. Ayaw kahadlok kay ako nag-uban kanimo ug ikaw panalanginan nako, ug padaghanon nako ang imong mga kaliwat tungod kang Abraham nga akong sulugoon.”

Genesis 46:3

Unya siya miingon, “Ako mao ang Dios, ang Dios sa imong amahan. Ayaw kahadlok sa pag-adto sa Ehipto kay didto himoon ko ikaw nga usa ka dakong nasod.

2 Mga Hari 13:23

Apan ang Ginoo nagmaluluy-on kanila ug nagmapuangoron kanila ug nagtagad kanila, tungod sa iyang kasabotan uban kang Abraham, Isaac ug kang Jacob, ug wala maglaglag kanila o magsalikway kanila gikan sa iyang atubangan hangtod karon.

2 Mga Hari 13:4

Unya si Jehoahas nagpakiluoy sa Ginoo, ug ang Ginoo nagpatalinghog kaniya, kay nakita niya ang pagdaogdaog sa Israel, giunsa sila pagdaogdaog sa hari sa Siria.

Salmo 10:14

Ikaw nakakita niini kay ikaw nagsud-ong sa kasamok ug kaguol, aron balosan kini pinaagi sa imong kamot; kanimo midangop ang kabos; ikaw mao ang magtatabang sa mga wala nay amahan.

Salmo 50:15

ug sangpita ako sa adlaw sa kalisdanan; luwason ko ikaw, ug ikaw maghimaya kanako.”

Salmo 6:8

Palayo kanako, kamong tanan nga tigbuhat ug daotan, kay ang Ginoo nagpatalinghog sa tingog sa akong paghilak.

Salmo 65:2

O ikaw nga magpatalinghog sa pag-ampo! Nganha kanimo manuol ang tanang tawo.

Salmo 91:15

Sa diha nga magtawag siya kanako, ako motubag kaniya; ubanan nako siya diha sa kalisdanan, luwason nako siya ug akong pasidunggan.

Exodo 14:13

Ug si Moises miingon sa katawhan, “Ayaw kamo kahadlok, barog nga lig-on, ug tan-awa ninyo ang kaluwasan sa Ginoo nga iyang buhaton karon kaninyo. Kay ang mga Ehiptohanon nga inyong nakita karon, dili na gayod ninyo makita pag-usab.

Exodo 22:23

Kon pasipad-an ninyo sila unya magpakitabang sila kanako, pamation gayod nako ang ilang mga pagpakitabang.

Exodo 22:27

kay mao lamang kini ang iyang igtatabon, mao kini ang iyang kupo alang sa iyang lawas. Unsa may lain nga iyang katulgan? Ug kon magpakitabang siya kanako, pamation nako siya kay maluluy-on man ako.

Exodo 3:2

Didto ang anghel sa Ginoo mipakita kaniya pinaagi sa usa ka siga sa kalayo sa taliwala sa usa ka sampinit. Ug siya mitan-aw ug nakita niya nga ang sampinit nagsiga apan wala kini maugdaw.

Exodo 3:7

Unya ang Ginoo miingon, “Nakita nako ang kasakit sa akong katawhan nga atua sa Ehipto ug nadungog nako ang ilang pagtuaw tungod sa mga tigdumala sa buhat ug nahibaloan nako ang ilang kasakitan.

Isaias 22:1

Ang mensahe mahitungod sa walog sa panan-awon. Unsay buot nimong ipasabot nga misaka man ikaw sa ibabaw sa atop sa balay,

Isaias 41:10

ayaw kahadlok, kay ania ako uban kanimo, ayaw kabalaka, kay ako mao ang imong Dios; lig-onon ko ikaw ug tabangan ko ikaw, ituboy ko ikaw pinaagi sa akong madaogon nga tuong kamot.

Mateo 15:32

Unya gipatawag ni Jesus ang iyang mga tinun-an ug giingnan, “Naluoy ako sa katawhan kay tulo na karon ka adlaw nga sila nakig-uban kanako ug wala silay makaon ug dili ako buot nga mopauli sila nga walay kaon kay tingali unya ug panguyapan sila sa dalan.”

Marcos 5:36

Apan sa walay pagpanumbaling sa ilang gisulti, si Jesus miingon sa pangulo sa sinagoga, “Ayaw kahadlok, salig lamang.”

Deuteronomio 26:7

Unya nagpakitabang kami sa Ginoo, ang Dios sa among katigulangan ug namati ang Ginoo sa among tingog ug nakita niya ang among kalisod, ang among paghago ug ang pagdaogdaog kanamo.

Mga Maghuhukom 18:23

Ug gisinggitan nila ang mga Danihanon. Ug sila milingi ug miingon kang Mikeas. “Unsay nakaingon kanimo nga mianhi man ikaw uban nianang pundoka?”

1 Samuel 11:5

Niining higayona si Saul miabot nga nagsunod sa mga baka gikan sa uma, ug si Saul miingon, “Unsay nahitabo sa katawhan nga nanghilak man sila?” Busa gisuginlan nila siya sa gibalita sa mga tawo sa Jabes.