Genesis 21:16

Ang Biblia 2011

Ug milakaw siya ug milingkod sa iyang atbang nga may igong gilay-on, ingon sa gilay-on sa usa ka pagbuhi sa pana, kay miingon siya, “Hinaot unta nga dili ako makakita sa kamatayon sa bata.” Ug milingkod si Hagar atbang sa bata ug mipatugbaw ang bata sa iyang tingog ug mihilak.

Cross References

Genesis 21:15

Sa dihang nahurot ang tubig sa sudlanan, gibiyaan niya ang bata sa ilalom sa kalibonan.

Genesis 27:38

Si Esau miingon sa iyang amahan, “Usa ra ba gayod ang imong panalangin, amahan ko? Panalangini ako, ako usab, amahan ko.” Ug gipatugbaw ni Esau ang iyang tingog ug siya mihilak.

Genesis 29:11

Unya si Jacob mihalok kang Raquel ug mihilak ug kusog.

Genesis 44:34

Kay unsaon man nako sa pag-adto sa akong amahan kon wala ang bata uban kanako? Ako nahadlok nga makakita ako sa kadaotan nga mahitabo sa akong amahan.”

1 Mga Hari 17:12

Ug siya miingon, “Ingon nga ang Ginoo nga imong Dios buhi, wala akoy naluto. Usa na lang ka kumkom nga harina ang anaa sa tadyaw ug diyotayng lana nga anaa sa tibodtibod. Nangahoy ako aron mouli ug lutoon kini alang kanako ug sa akong anak nga lalaki, aron kan-on namo kini ug mangamatay.”

1 Mga Hari 3:26

Unya ang babaye nga tag-iya sa buhing bata misulti sa hari kay ang iyang kasingkasing nangandoy sa iyang anak, “O akong agalon, ihatag kaniya ang buhing bata ug ayaw intawon kini patya.” Apan ang usa miingon, “Kana dili maako o maimo. Bahina kana!”

Ester 8:6

Kay unsaon nako pag-antos sa pagtan-aw sa katalagman nga mahitabo sa akong katawhan? O unsaon man nako pag-antos sa pagtan-aw sa kalaglagan sa akong mga kadugo?”

Isaias 49:15

“Malimot ba ang usa ka babaye sa iyang masuso nga bata, nga dili siya magbaton ug kaluoy sa anak sa iyang taguangkan? Bisan kini sila makalimot, apan ako dili gayod malimot kanimo.

Jeremias 6:26

O anak sa akong katawhan, pagsul-ob ug sako ug ligid sa abo; pagsubo nga daw alang sa bugtong anak, ang labing pait nga pagbangutan; kay sa kalit ang tiglaglag moanhi kanato.

Amos 8:10

Ang inyong mga kasaulogan akong himoon nga pagsubo, ug ang tanan ninyong mga awit pagbangutan; dad-an nako ug bisti nga sako ang tanan ninyong mga hawak ug kaupaw sa matag ulo; himoon nako kini nga sama sa pagsubo sa kamatayon alang sa bugtong nga anak, ug ang kataposan niini sama sa usa ka pait nga adlaw.

Zacarias 12:10

“Ug ibubo nako ibabaw sa balay ni David ug sa mga nagpuyo sa Jerusalem ang espiritu sa kaluoy ug sa pagpangamuyo, aron nga sa dihang motan-aw sila kaniya nga ilang giduslak, sila magsubo tungod kaniya, sama sa magsubo tungod sa bugtong niyang anak ug maghilak pag-ayo tungod kaniya, sama sa maghilak tungod sa iyang panganay nga anak.

Lucas 15:20

Ug siya mitindog ug miadto sa iyang amahan. Apan samtang didto pa siya sa layo, nakita siya sa iyang amahan ug kini giabot ug kaluoy, ug midagan ug migakos kaniya ug mihalok kaniya.

Mga Maghuhukom 2:4

Sa diha nga ang anghel sa Ginoo misulti niining mga pulonga ngadto sa tanang katawhan sa Israel ang katawhan mipatugbaw sa ilang mga tingog ug nanghilak.

Ruth 1:9

Itugot unta sa Ginoo nga makakaplag kamo ug pahulay, ang matag usa kaninyo diha sa balay sa iyang bana.” Unya iyang gihagkan sila ug sa kusog nga tingog nanghilak sila.

1 Samuel 24:16

Sa diha nga nahuman na pagsulti ni David niining mga pulonga ngadto kang Saul, si Saul miingon, “Mao ba kini ang imong tingog, akong anak nga David?” Ug gipatugbaw ni Saul ang iyang tingog ug mihilak.

1 Samuel 30:4

Unya si David ug ang katawhan nga diha uban kaniya mipatugbaw sa ilang tingog ug nanghilak, hangtod nga wala na silay kusog sa paghilak.