Genesis 21:15

Ang Biblia 2011

Sa dihang nahurot ang tubig sa sudlanan, gibiyaan niya ang bata sa ilalom sa kalibonan.

Cross References

Genesis 21:14

Ug si Abraham mibangon pagsayo sa buntag ug mikuha ug pan ug tubig nga sinulod sa sudlanang panit ug kini gihatag niya kang Hagar, ug gipapas-an kaniya ug gihatag kaniya ang bata, ug si Hagar gipalakaw niya. Ug migikan siya, naglatagaw sa kamingawan sa Beer-seba.

Genesis 21:16

Ug milakaw siya ug milingkod sa iyang atbang nga may igong gilay-on, ingon sa gilay-on sa usa ka pagbuhi sa pana, kay miingon siya, “Hinaot unta nga dili ako makakita sa kamatayon sa bata.” Ug milingkod si Hagar atbang sa bata ug mipatugbaw ang bata sa iyang tingog ug mihilak.

1 Mga Hari 17:12

Ug siya miingon, “Ingon nga ang Ginoo nga imong Dios buhi, wala akoy naluto. Usa na lang ka kumkom nga harina ang anaa sa tadyaw ug diyotayng lana nga anaa sa tibodtibod. Nangahoy ako aron mouli ug lutoon kini alang kanako ug sa akong anak nga lalaki, aron kan-on namo kini ug mangamatay.”

2 Mga Hari 3:9

Busa ang hari sa Israel miadto uban sa hari sa Juda ug sa hari sa Edom. Human sa tuyokon nga panaw sulod sa pito ka adlaw, wala nay tubig alang sa kasundalohan ug alang sa ilang kaugalingon o alang sa kahayopan nga nagsunod kanila.

Salmo 63:1

O Dios, ikaw mao ang akong Dios, nangita ako kanimo, ang akong kalag giuhaw kanimo; ang akong unod nangandoy kanimo, sama sa usa ka yuta nga uga ug mingaw diin walay tubig.

Isaias 44:12

Ang panday sa puthaw nagbuhat niini ug naghimo niini ibabaw sa baga; nagporma niini pinaagi sa mga maso, ug nagsalsal niini pinaagi sa iyang kusgan nga bukton; siya gutomon ug mawad-an sa iyang kusog, siya dili moinom ug tubig ug maluya.

Jeremias 14:3

Ang iyang mga halangdon nagsugo sa ilang mga sulugoon sa pagkuha ug tubig; nangadto sila sa mga tigomanan sa tubig, wala sila makakita ug tubig, sila mibalik nga walay sulod ang ilang mga sudlanan; sila nangaulaw ug nangalibog ug nagpandong sa ilang mga ulo.