Genesis 21:10

Ang Biblia 2011

Busa miingon siya kang Abraham, “Hinginli kining ulipon nga babaye ug ang iyang anak, kay ang anak sa babayeng ulipon dili makapanunod uban sa akong anak nga si Isaac.”

Cross References

Genesis 17:19

Ug ang Dios miingon, “Dili, apan si Sarah nga imong asawa manganak ug usa ka batang lalaki, ug nganlan siya ug Isaac ug lig-onon nako ang akong kasabotan uban kaniya, usa ka kasabotan nga dayon alang sa iyang kaliwatan sunod kaniya.

Genesis 17:21

Apan lig-onon nako ang akong kasabotan uban kang Isaac nga ipanganak ni Sarah kanimo niining panahona sa mosunod nga tuig.”

Genesis 20:11

Ug si Abraham miingon, “Gibuhat ko kini kay naghunahuna ako nga ang pagkahadlok ngadto sa Dios wala niining dapita ug ako patyon nila tungod sa akong asawa.

Genesis 22:10

Ug gituy-od ni Abraham ang iyang kamot, ug gikuha niya ang iyang punyal aron sa pagpatay sa iyang anak.

Genesis 25:19

Kini mao ang mga kaliwat ni Isaac nga anak ni Abraham. Si Abraham mao ang amahan ni Isaac.

Genesis 25:6

Apan ngadto sa mga anak nga lalaki sa iyang mga puyopuyo, si Abraham mihatag kanila ug mga gasa. Ug sa dihang buhi pa siya gipalakaw niya sila layo kang Isaac nga iyang anak, ngadto sa silangan nga kayutaan.

Mga Panultihon 22:10

Papahawaa ang mayubiton, ug ang panaglalis mobiya, ug ang panag-away ug pagpakaulaw mohunong.

Mateo 22:13

Ug ang hari miingon sa iyang mga sulugoon, ‘Gaposa ninyo ang iyang mga tiil ug mga kamot ug itambog siya ngadto sa kangitngitan sa gawas. Didto ang mga tawo manghilak ug magkagot ang ilang mga ngipon.’

Juan 8:35

Ang ulipon dili magpabilin sa dayon diha sa panimalay, apan ang anak magpabilin sa dayon.

Mga Taga-Galacia 3:18

Kay kon ang panulundon pinaagi pa sa Balaod, dili na diay pinaagi sa saad. Apan ang Dios mihatag niini kang Abraham pinaagi sa saad.

Mga Taga-Galacia 4:7

Busa pinaagi sa Dios dili na ikaw ulipon kondili anak, ug kon anak man, manununod usab.

1 Pedro 1:4

ngadto sa usa ka panulundon nga dili madunot, dili mabuling, ug dili molubad, gitipigan didto sa langit alang kaninyo

1 Juan 2:19

Sila namiya gikan kanato, apan sila dili kauban nato kay kon sila kauban pa nato, magpabilin unta sila uban kanato apan namahawa sila aron makita nga silang tanan dili diay kauban nato.

Mga Maghuhukom 11:2

Ug ang asawa ni Gilead nanganak kaniya ug mga anak nga lalaki, ug sa diha nga midako na ang mga anak nga lalaki sa iyang asawa, ilang gihinginlan si Jefta ug giingnan siya, “Ikaw dili makapanunod sa balay sa atong amahan kay ikaw anak man sa laing babaye.”