Genesis 20:7

Ang Biblia 2011

Busa, karon, iuli ang babaye ngadto sa iyang bana kay siya usa ka propeta ug siya mag-ampo alang kanimo ug mabuhi ikaw. Ug kon dili nimo siya iuli, nasayod na ikaw nga mamatay gayod ikaw lakip ang tanang mga imo.”

Cross References

Genesis 12:15

Ug sa dihang nakita siya sa mga tinugyanan sa Paraon, gidayeg nila siya ngadto sa Paraon. Ug gidala si Sarai ngadto sa balay sa Paraon.

Genesis 12:17

Apan gisakit sa Ginoo ang Paraon ug ang iyang panimalay pinaagi sa dagkong mga katalagman tungod kang Sarai nga asawa ni Abram.

Genesis 2:17

apan sa kahoy sa kahibalo sa maayo ug sa daotan, ayaw pagkaon niini kay sa adlaw nga mokaon ikaw niini, mamatay ka gayod.”

Genesis 20:18

Kay gitakpan man sa Ginoo ang tanang taguangkan sa tanang sakop sa panimalay ni Abimelek tungod kang Sarah nga asawa ni Abraham.

Genesis 20:3

Apan ang Dios miadto kang Abimelek pinaagi sa damgo sa pagkagabii ug miingon kaniya, “Tan-awa, daw patay na ikaw tungod sa babaye nga imong gikuha, kay siya asawa sa usa ka tawo.”

Genesis 20:8

Ug si Abimelek mibangon pagsayo ug gitawag niya ang tanan niyang mga ulipon ug gisugilon niya kining tanan ngadto kanila ug nangahadlok ang mga tawo sa hilabihan gayod.

Genesis 23:6

“Patalinghogi kami, among agalon, ikaw ang gamhanang pangulo sa taliwala namo. Ilubong ang imong minatay sa labing maayo sa among mga lubnganan. Walay bisan kinsa kanamo nga maghikaw kanimo sa iyang lubnganan, aron nga ikalubong nimo ang imong minatay.”

2 Samuel 24:17

Unya si David misulti sa Ginoo sa diha nga nakita niya ang anghel nga mihampak sa katawhan ug miingon, “Ako nakasala ug ako nakahimo ug daotan, apan kining mga karnero, unsay ilang nabuhat? Ako naghangyo kanimo, himoa nga ang imong kamot makigbatok kanako ug makigbatok sa balay sa akong amahan.”

1 Mga Hari 13:6

Ug ang hari miingon sa tawo sa Dios, “Hangyoa karon ang kaluoy sa Ginoo nga imong Dios ug iampo ako nga ang akong kamot maulian.” Ug ang tawo sa Dios mihangyo sa Ginoo ug ang kamot sa hari naulian ug nabalik kini sama sa kaniadto.

2 Mga Hari 5:11

Apan si Naaman nasuko ug mipahawa nga nag-ingon, “Ako nagdahom nga siya mogula gayod nganhi kanako ug motindog ug magtawag sa ngalan sa Ginoo nga iyang Dios ug magwarawara sa iyang kamot diha sa maong dapit, ug mamaayo ang sanla.

1 Cronicas 16:22

nga nag-ingon, “Ayaw paghilabti ang akong mga dinihogan, ayaw buhati ug daotan ang akong mga propeta!”

2 Cronicas 30:18

Kay usa ka dakong panon sa katawhan, daghan kanila nga gikan sa Efraim, sa Manases, sa Isacar ug sa Zabulon, wala maghinlo sa ilang kaugalingon apan sila nangaon sa pagkaon sa Pagsaylo nga dili maoy gimando. Apan si Hesekias nag-ampo alang kanila, nga nag-ingon, “Ang maayo nga Ginoo magpasaylo unta sa tanan

Job 34:19

nga dili magpakita ug pagdapig ngadto sa mga pangulo, o magtagad sa mga dato labaw kay sa kabos, kay silang tanan buhat man sa iyang mga kamot?

Job 42:8

Busa karon, pagkuha ug pito ka torong baka ug pito ka karnero, ug adto kang Job nga akong alagad, ug paghalad kamo ug halad nga sunogon alang sa inyong kaugalingon. Ug ang akong alagad nga si Job mag-ampo alang kaninyo, kay akong dawaton ang iyang pag-ampo, nga dili ako magbuhat alang kaninyo sumala sa inyong binuang, kay kamo wala magsulti sa matarong mahitungod kanako, ingon kang Job.”

Salmo 25:14

Ang pagpakighigala sa Ginoo ila niadtong may kahadlok kaniya, ug siya magpadayag kanila sa iyang kasabotan.

Exodo 18:17

Unya ang ugangan ni Moises miingon kaniya, “Ang imong gibuhat dili maayo.

Exodo 4:16

Unya siya magsulti ngadto sa katawhan alang kanimo ug siya mahimong imong magsusulti ug ikaw mahimong sama sa Dios ngadto kaniya.

Exodo 7:1

Ang Ginoo miingon kang Moises, “Tan-awa, gihimo ko ikaw ingon nga Dios ngadto sa Paraon ug si Aaron nga imong igsoon mahimong propeta nimo.

Jeremias 14:11

Miingon ang Ginoo kanako: “Ayaw pag-ampo alang sa kaayohan niini nga katawhan.

Jeremias 15:1

Unya miingon ang Ginoo kanako, “Bisan pa ug si Moises ug si Samuel mitindog sa akong atubangan, ang akong kasingkasing dili gayod molingi niini nga katawhan. Papahawaa sila gikan sa akong panan-aw ug palakta sila!

Jeremias 27:18

Kon sila mga propeta ug kon ang pulong sa Ginoo anaa kanila, papangamuyoa sila karon sa Ginoo sa mga panon, aron ang mga kagamitan nga nahibilin sa balay sa Ginoo, sa balay sa hari sa Juda ug sa Jerusalem, dili mahiadto sa Babilonia.

Ezequiel 3:18

Kon ako moingon ngadto sa daotan, ‘Ikaw mamatay gayod,’ ug ikaw wala maghatag kaniya ug pasidaan o magsulti sa pagbadlong sa daotan gikan sa ngil-ad niyang dalan aron pagluwas sa iyang kinabuhi, ang maong tawo nga daotan mamatay sa iyang kasal-anan, apan ang iyang dugo paninglon nako diha sa imong kamot.

Ezequiel 33:8

Kon ako moingon sa daotan, ‘O daotan nga tawo, ikaw mamatay gayod,’ ug ikaw dili mosulti sa pagpasidaan sa tawong daotan aron mobiya sa iyang pamaagi, kanang tawo nga daotan mamatay gayod diha sa iyang kasal-anan, apan ang iyang dugo paninglon nako diha sa imong kamot.

Levitico 6:4

Kon may usa nga makasala niini ug sad-an siya, kinahanglan nga iyang iuli ang iyang gikawat o ang mga naangkon niya pinaagi sa pagpanglupig o ang butang nga gipatipigan kaniya o ang nawala nga nakit-an niya

Levitico 6:7

Ug ang pari maghimo sa pagtabon sa sala alang kaniya sa atubangan sa Ginoo ug pasayloon siya sa bisan unsa nga mga butang nga tungod niana sad-an siya.”

Mga Buhat 8:24

Ug si Simon mitubag, “Iampo ako ninyo sa Ginoo nga wala untay mahitabo kanako sa inyong gisulti.”

1 Mga Taga-Corinto 14:4

Ang nagsulti ug mga dila nagpalig-on sa iyang kaugalingon lamang, apan ang nagpropesiya nagpalig-on sa iglesia.

Mga Hebreo 1:1

Sa daghan ug nagkalainlaing mga pamaagi ang Dios misulti kaniadto ngadto sa atong mga katigulangan pinaagi sa mga propeta.

Mga Hebreo 13:4

Himoa ninyo nga ang panagtiayon makabaton sa pagtahod sa tanan, ug himoa ninyo nga ang higdaanan sa panagtiayon dili mahugawan, kay ang Dios mosilot gayod sa mga makihilawason ug sa mga mananapaw.

1 Juan 5:16

Kon may makakita nga ang iyang igsoon nakahimo ug sala nga dili makamatay, kinahanglan nga maghangyo siya ug ang Dios maghatag kaniya ug kinabuhi ngadto kanila nga nakahimo ug sala nga dili makamatay. Adunay sala nga makamatay; wala ako mag-ingon nga mag-ampo siya alang niini.

1 Samuel 12:19

Ang tibuok katawhan miingon kang Samuel, “Pag-ampo alang sa imong mga sulugoon ngadto sa Ginoo nga imong Dios aron kami dili mamatay kay nagdugang kami sa tanan namong mga sala niining kadaotan sa pagpangayo alang sa among kaugalingon ug usa ka hari.”

1 Samuel 12:23

Dugang pa, ipahilayo unta kini gikan kanako nga ako makasala batok sa Ginoo pinaagi sa paghunong sa pag-ampo alang kaninyo, ug ako magtudlo kaninyo sa maayo ug sa matarong nga dalan.

1 Samuel 7:5

Unya si Samuel miingon, “Tigoma ang tibuok Israel didto sa Mispa, ug ako mag-ampo sa Ginoo alang kaninyo.”

1 Samuel 7:8

Ang katawhan sa Israel miingon kang Samuel, “Ayaw paghunong sa pag-ampo ngadto sa Ginoo nga Dios alang kanato nga unta magluwas siya kanato gikan sa kamot sa mga Filistihanon.”