Genesis 20:6

Ang Biblia 2011

Unya ang Dios miingon kaniya diha sa damgo, “Oo, ako usab nahibalo nga sa kahingpit sa imong kasingkasing gibuhat nimo kini ug ako usab nagpugong kanimo sa pagpakasala batok kanako ug niini wala ko ikaw tugoti nga motandog kaniya.

Cross References

Genesis 20:18

Kay gitakpan man sa Ginoo ang tanang taguangkan sa tanang sakop sa panimalay ni Abimelek tungod kang Sarah nga asawa ni Abraham.

Genesis 26:11

Unya si Abimelek nagsugo sa tanang mga tawo nga nag-ingon, “Ang manghilabot niining tawhana o sa iyang asawa patyon gayod.”

Genesis 3:3

apan miingon ang Dios, ‘Ayaw kamo pagkaon sa bunga sa kahoy nga anaa sa taliwala sa tanaman o bisan sa paghikap niana, aron dili kamo mamatay.’ ”

Genesis 31:24

Apan ang Dios miadto kang Laban nga Aramhanon pinaagi sa damgo niadtong gabhiona ug miingon kaniya, “Pagmatngon nga dili ikaw magsulti ug usa ka pulong ngadto kang Jacob, maayo o daotan.”

Genesis 31:7

Apan ang inyong amahan naglimbong kanako, ug iyang giusab-usab ang akong suhol sa napulo ka higayon apan ang Dios wala motugot nga magbuhat siya kanako ug daotan.

Genesis 35:5

Ug samtang sila nagpanaw, ang kahadlok gikan sa Dios miabot ngadto sa mga kalungsoran nga naglibot kanila mao nga sila wala mogukod sa mga anak ni Jacob.

Genesis 39:9

Siya dili labaw kanako niining balaya ug walay bisan unsa nga butang nga iyang gihikaw kanako gawas kanimo, kay ikaw mao ang iyang asawa. Busa unsaon nako paghimo niining dakong pagkadaotan ug sala batok sa Dios?”

Salmo 51:4

Batok kanimo, kanimo lamang, nakasala ako, ug nagbuhat ug daotan diha sa imong panan-aw, busa ikaw giila nga matarong diha sa imong pagsulti, ug nga dili masaway diha sa imong paghukom.

Salmo 81:12

Busa gitugyan nako sila ngadto sa kagahi sa ilang kasingkasing, sa pagsunod sa ilang kaugalingong katuyoan.

Salmo 84:11

Kay ang Ginoo nga Dios adlaw ug taming; ang Ginoo mohatag ug grasya ug himaya. Walay maayo nga butang nga ihikaw niya gikan niadtong mga naglakaw nga matarong.

Exodo 34:24

Kay akong hinginlan ang mga nasod gikan sa inyong atubangan ug palapdon nako ang inyong mga utlanan, ug walay si bisan kinsa nga magtinguha sa inyong yuta sa dihang motungas kamo aron sa pagpakita sa atubangan sa Ginoo nga inyong Dios makatulo sa usa ka tuig.

Mga Panultihon 21:1

Ang kasingkasing sa hari diha sa kamot sa Ginoo sama sa mga bul-og sa tubig; palikoon niya kini bisan asa nga buot niya.

Mga Panultihon 6:29

Mao usab siya nga mosulod ngadto sa asawa sa iyang silingan; walay usa nga manghilabot kaniya nga dili silotan.

Levitico 6:2

“Kon adunay makasala ug magbuhat ug paglapas batok sa Ginoo pinaagi sa paglimbong sa iyang isigkatawo tungod sa gipatipigan o gibilin kaniya, o pinaagi sa pagpangawat o pagpanglupig sa iyang isigkatawo,

Mateo 27:19

Ug samtang naglingkod siya didto sa hukmanan, gipadad-an siya sa iyang asawa ug tugon, “Ayaw pangilabot nianang tawo nga matarong kay karong adlawa nahasol ako pag-ayo tungod sa akong damgo mahitungod kaniya.”

1 Mga Taga-Corinto 7:1

Karon mahitungod sa inyong gisulat, “Maayo alang sa usa ka lalaki ang dili pagpanghilabot ug babaye.”

2 Mga Taga-Corinto 6:17

Busa panggula kamo gikan kanila, ug bulag kamo gikan kanila, nag-ingon ang Ginoo, ug ayaw na kamo paghikap ug hugaw; unya dawaton ko kamo.

2 Mga Taga-Tesalonica 2:11

Tungod niini, ang Dios nagpadala kanila ug gahom sa pagkamalimbongon aron sila motuo sa bakak,

2 Mga Taga-Tesalonica 2:7

Kay ang tinago sa pagkamalapason naglihok na, hinuon ang nagpugong niini karon magpadayon hangtod nga mawala na siya.

1 Samuel 25:26

Busa karon, akong agalon, ingon nga ang Ginoo buhi, ug ingon nga ang imong kalag buhi, sa nakita nga ang Ginoo nagpugong kanimo gikan sa pagpakasala tungod sa dugo, ug gikan sa pagpanimalos pinaagi sa imong kaugalingong kamot, busa karon himoa nga ang imong mga kaaway ug sila nga nangita ug kadaotan sa akong agalon mahisama kang Nabal.

1 Samuel 25:34

Kay ingon nga sa pagkatinuod ang Ginoo nga Dios sa Israel buhi, nga nagpugong kanako gikan sa pagpasakit kanimo, kon ikaw wala magdali ug mianhi aron pagsugat kanako, sa walay duhaduha, walay mahibilin kang Nabal sa pagkabuntag bisan usa ka lalaki.”