Genesis 20:4

Ang Biblia 2011

Apan si Abimelek wala pa makaduol kaniya busa miingon siya, “Ginoo, patyon ba usab nimo ang katawhan nga walay sala?

Cross References

Genesis 19:24

Unya ang Sodoma ug Gomora gipaulanan sa Ginoo ug asupri ug kalayo nga gikan sa langit.

Genesis 20:5

Dili ba si Abraham gayod nag-ingon kanako, ‘Siya akong igsoon’? Si Sarah usab nag-ingon, ‘Siya akong igsoon.’ Sa kahingpit sa akong kasingkasing ug sa kahinlo sa akong mga kamot, nabuhat nako kini.”

Genesis 20:6

Unya ang Dios miingon kaniya diha sa damgo, “Oo, ako usab nahibalo nga sa kahingpit sa imong kasingkasing gibuhat nimo kini ug ako usab nagpugong kanimo sa pagpakasala batok kanako ug niini wala ko ikaw tugoti nga motandog kaniya.

2 Samuel 4:11

Unsa pa kaha, sa diha nga ang daotang mga tawo mipatay sa usa ka matarong nga tawo diha sa iyang kaugalingong balay ibabaw sa iyang higdaanan, dili ba nako karon paninglon ang iyang dugo sa inyong kamot, ug laglagon kamo gikan sa yuta?”

1 Cronicas 21:17

Ug si David miingon sa Dios, “Dili ba ako ang nagsugo sa pag-ihap sa katawhan? Ako mao ang nakasala ug naghimo ug hilabihan ka daotan, apan kining mga karnero, unsay ilang nabuhat? Nangamuyo ako kanimo, O Ginoo nga akong Dios himoa nga ang imong kamot batok kanako ug sa balay sa akong amahan apan ayaw itugot nga ang katalagman mahiadto sa imong katawhan.”