Genesis 20:2

Ang Biblia 2011

Ug miingon si Abraham mahitungod kang Sarah nga iyang asawa, “Siya akong igsoon.” Ug si Abimelek nga hari sa Gerar, nagsugo ug gikuha niya si Sarah.

Cross References

Genesis 12:15

Ug sa dihang nakita siya sa mga tinugyanan sa Paraon, gidayeg nila siya ngadto sa Paraon. Ug gidala si Sarai ngadto sa balay sa Paraon.

Genesis 20:12

Ug labot pa usab, siya gayod akong igsoon, anak sa akong amahan apan dili anak sa akong inahan ug siya akong gipangasawa.

Genesis 21:22

Niadtong panahona si Abimelek ug si Picol nga pangulo sa iyang kasundalohan miingon kang Abraham, “Ang Dios nag-uban kanimo diha sa tanan nimong gibuhat.

Genesis 26:1

Niadtong panahona dihay gutom sa yuta gawas sa unang gutom sa mga adlaw ni Abraham, ug si Isaac miadto sa Gerar ngadto kang Abimelek nga hari sa mga Filistihanon.

Genesis 26:16

Ug si Abimelek miingon kang Isaac, “Palayo kanamo kay ikaw labaw pa ka gamhanan kay kanamo.”

Genesis 26:7

Sa diha nga ang mga tawo niadtong dapita nangutana kaniya mahitungod sa iyang asawa, siya miingon, “Siya akong igsoon.” Kay nahadlok siya sa pag-ingon, “Siya akong asawa,” kay naghunahuna siya, “tingali ug patyon ako sa mga tawo niining dapita tungod kang Rebecca,” kay maanyag siya nga tan-awon.

2 Cronicas 19:2

Apan si Jehu nga anak ni Hanani nga propeta migula sa pagsugat kaniya, ug miingon kang Hari Jehosafat, “Motabang ba ikaw sa daotan ug mahigugma kanila nga nagdumot sa Ginoo? Tungod niini ang kaligutgot migula batok kanimo gikan sa Ginoo.

2 Cronicas 20:37

Unya si Elieser nga anak ni Dodabahu sa Maresa nagpropesiya batok kang Jehosafat nga nag-ingon, “Tungod kay ikaw nakighiusa uban kang Ahasias, gun-obon sa Ginoo ang imong mga binuhat.” Ug ang mga sakayan nangaguba ug wala na makaadto sa Tarsis.

2 Cronicas 32:31

Apan mahitungod sa buhat sa mga sinugo sa mga pangulo sa Babilonia, nga gipadala ngadto kaniya aron sa pagpakisayod sa katingalahan nga nabuhat didto sa yuta, ang Dios mibiya kaniya, aron sa pagsulay kaniya ug sa pag-ila sa tanan nga anaa sa iyang kasingkasing.

Mga Panultihon 24:16

kay ang matarong nga tawo mapukan sa makapito ug mobangon pag-usab; apan ang daotan mapukan pinaagi sa katalagman.

Mga Panultihon 29:25

Ang kahadlok sa tawo nagbutang ug usa ka lit-ag, apan siya nga nagsalig sa Ginoo layo sa kakuyaw.

Mga Panultihon 6:29

Mao usab siya nga mosulod ngadto sa asawa sa iyang silingan; walay usa nga manghilabot kaniya nga dili silotan.

Ecclesiastes 7:20

Wala gayoy tawo nga matarong ibabaw sa yuta nga nagbuhat ug maayo ug wala magpakasala.

Mga Taga-Efeso 4:25

Tungod niini, sa mahukas na ninyo ang bakak, ang matag usa kaninyo kinahanglang magsulti sa kamatuoran ngadto sa iyang isigkatawo, kay kita mga bahin man sa usa ug usa.

Mga Taga-Colosas 3:9

Ayaw na kamo pamakak sa usa ug usa, ingon nga nahukasan na kamo sa inyong daan nga kinaiya uban sa mga batasan niini