Genesis 20:13

Ang Biblia 2011

Ug sa dihang gipagula ako sa Dios sa paglangyaw gikan sa balay sa akong amahan, ako miingon kang Sarah, ‘Kini mao ang kaluoy nga imong ipakita kanako, nga sa tanan nga dapit diin kita makaabot, moingon ikaw mahitungod kanako, “Siya akong igsoon.” ’ ”

Cross References

Genesis 12:1

Unya ang Ginoo miingon kang Abram, “Lakaw gikan sa imong yuta ug gikan sa imong kadugo ug sa balay sa imong amahan ngadto sa yuta nga akong ipakita kanimo.

Genesis 12:9

Ug si Abram mipadayon sa pagpanaw padulong sa Negeb.

Genesis 20:12

Ug labot pa usab, siya gayod akong igsoon, anak sa akong amahan apan dili anak sa akong inahan ug siya akong gipangasawa.

Genesis 20:5

Dili ba si Abraham gayod nag-ingon kanako, ‘Siya akong igsoon’? Si Sarah usab nag-ingon, ‘Siya akong igsoon.’ Sa kahingpit sa akong kasingkasing ug sa kahinlo sa akong mga kamot, nabuhat nako kini.”

Salmo 64:5

Nagdasig sila sa ilang kaugalingon diha sa daotan nilang katuyoan, nagsabot sila sa pagbutang ug mga lit-ag diha sa tago, ug nag-ingon, “Kinsa man ang makakita kanato?”

Mga Buhat 5:9

Apan si Pedro miingon kaniya, “Naunsa ba nga nagkasabot man kamo sa pagtintal sa Espiritu sa Ginoo? Tan-awa, anaa na sa pultahan ang mga tiil sa mga naglubong sa imong bana ug ikaw yayongan nila paingon sa gawas.”

Mga Hebreo 11:8

Tungod sa pagtuo si Abraham mituman sa diha nga gitawag siya sa pag-adto sa usa ka dapit nga iyang madawat ingon nga panulundon, ug siya miadto nga wala mahibalo kon asa siya paingon.

1 Samuel 23:21

Ug si Saul miingon, “Panalanginan unta kamo sa Ginoo kay kamo naluoy kanako.