Genesis 2:9

Ang Biblia 2011

Ug gipaturok sa Ginoong Dios gikan sa yuta ang tanan nga kahoy nga matahom nga tan-awon ug maayo nga kaonon. Diha usab sa taliwala sa tanaman ang kahoy sa kinabuhi ug ang kahoy sa kahibalo sa maayo ug sa daotan.

Cross References

Genesis 2:17

apan sa kahoy sa kahibalo sa maayo ug sa daotan, ayaw pagkaon niini kay sa adlaw nga mokaon ikaw niini, mamatay ka gayod.”

Genesis 3:22

Ug ang Ginoong Dios miingon, “Tan-awa, ang tawo nahimo nga sama sa usa kanato, nahibalo sa maayo ug sa daotan. Ug karon tingali unya ug mokab-ot siya ug mokuha usab gikan sa kahoy sa kinabuhi ug mokaon, ug mabuhi hangtod sa kahangtoran.”

Genesis 3:24

Busa gipapahawa niya ang tawo, ug didto sa silangang dapit sa tanaman sa Eden gibutang niya ang mga kerubin ug ang nagsiga nga espada nga nagtuyok aron pagbantay sa dalan ngadto sa kahoy sa kinabuhi.

Genesis 3:3

apan miingon ang Dios, ‘Ayaw kamo pagkaon sa bunga sa kahoy nga anaa sa taliwala sa tanaman o bisan sa paghikap niana, aron dili kamo mamatay.’ ”

Genesis 3:5

Kay nasayod ang Dios nga sa dihang kamo mokaon niini mabuka ang inyong mga mata ug mahimo kamo nga sama sa Dios, mahibalo sa maayo ug sa daotan.”

Mga Panultihon 11:30

Ang bunga sa matarong maoy usa ka kahoy sa kinabuhi, ug ang maalamon makadani ug mga tawo.

Mga Panultihon 3:18

Siya usa ka kahoy sa kinabuhi ngadto kanila nga nagkupot kaniya; malipayon ang naghupot kaniya.

Isaias 44:25

nga nagpakyas sa mga timailhan sa mga bakakon, ug naghimo nga buang sa mga tigpanagna, nga nagpasibog sa mga tawo nga maalamon, ug naghimo sa ilang kahibalo nga binuang;

Isaias 47:10

Ikaw nagsalig sa imong pagkadaotan, ikaw nag-ingon, “Walay nakakita kanako;” ang imong kaalam ug ang imong kahibalo nakapahisalaag kanimo, ug ikaw nag-ingon diha sa imong kasingkasing, “Ako mao, ug wala nay lain gawas kanako.”

Ezequiel 31:16

Akong gipakurog ang mga nasod sa dinahunog sa iyang pagkapukan, sa diha nga gitambog nako siya ngadto sa Sheol uban kanila nga nanganaog sa Gahong. Ug ang tanang mga kahoy sa Eden, ang pinili ug ang labing maayo sa Lebanon, ang tanan nga nag-inom ug tubig, gihupay didto sa kalibotan sa ilalom.

Ezequiel 31:18

“Kang kinsa man ikaw itandi sa himaya ug sa pagkabantogan taliwala sa mga kahoy sa Eden? Ikaw pukanon uban sa mga kahoy sa Eden ngadto sa kalibotan sa ilalom. Ikaw maghigda uban sa mga dili tinuli, uban kanila nga gipamatay pinaagi sa espada. Kini mao ang Paraon ug ang tanan niyang panon sa katawhan, nag-ingon ang Ginoong Dios.”

Ezequiel 47:12

Sa mga tampi sa suba, sa duha ka daplin sa suba, manubo ang tanang mga kahoy nga makaon, nga ang dahon dili malaya o mawad-an sa iyang bunga. Kini mobunga ug bag-ong bunga matag bulan, tungod kay ang tubig alang niini nagdayday man gikan sa balaang dapit, ug ang bunga niini makaon ug ang dahon niini alang sa pagpanambal.”

Juan 6:48

Ako mao ang pan sa kinabuhi.

1 Mga Taga-Corinto 8:1

Karon mahitungod sa mga hinalad ngadto sa mga diosdios: kita nasayod nga “kitang tanan adunay kahibalo.” Ang kahibalo magpagarbo apan ang gugma magpalig-on.

Deuteronomio 6:25

Ug kini mahimong pagkamatarong alang kanato kon kita magmatngon sa pagtuman niining tanang kasugoan sa atubangan sa Ginoo nga atong Dios sumala sa iyang gisugo kanato.’

Gipadayag 2:7

Ang adunay igdulungog kinahanglan nga magpatalinghog sa gisulti sa Espiritu ngadto sa mga iglesia. Siya nga magmadaogon hatagan nako ug pagtugot sa pagkaon gikan sa kahoy sa kinabuhi nga anaa sa paraiso sa Dios.’

Gipadayag 22:14

Bulahan sila nga maglaba sa ilang mga bisti aron makabaton sila sa katungod sa pagpahimulos sa kahoy sa kinabuhi, ug sa pagsulod sa siyudad agi sa mga ganghaan.

Gipadayag 22:2

latas sa taliwala sa kadalanan sa siyudad. Sa matag daplin usab sa suba, diha ang kahoy sa kinabuhi nga may napulo ug duha ka matang sa mga bunga, namunga kini matag bulan, ug ang mga dahon sa kahoy tambal alang sa kanasoran.