Genesis 2:4

Ang Biblia 2011

Kini mao ang mga sinugdan sa kalangitan ug sa yuta sa dihang gibuhat kini. Sa adlaw nga gibuhat sa Ginoong Dios ang yuta ug ang langit,

Cross References

Genesis 1:1

Sa sinugdan gibuhat sa Dios ang kalangitan ug ang yuta.

Genesis 1:28

Ug gipanalanginan sila sa Dios, ug ang Dios miingon kanila, “Sanay kamo ug panaghan, ug lukpa ang yuta ug dumalaha kini ug kamo ang maggahom ibabaw sa mga isda sa dagat, ug sa mga langgam sa kalangitan, ug sa tanan nga buhing binuhat nga naglihok sa ibabaw sa yuta.”

Genesis 1:3

Ug ang Dios miingon, “Motungha ang kahayag,” ug diha ang kahayag.

Genesis 1:31

Ug nakita sa Dios ang tanang butang nga iyang gihimo, ug tan-awa, kini maayo kaayo. Dihay kagabhion ug dihay kabuntagon, ikaunom nga adlaw.

Genesis 1:4

Nakita sa Dios nga ang kahayag maayo, ug gilain sa Dios ang kahayag gikan sa kangitngit.

Genesis 10:1

Kini mao ang mga kaliwat sa mga anak ni Noe nga si Sem, si Ham, ug si Japhet ug kanila nangatawo ang mga anak nga lalaki human sa lunop.

Genesis 11:10

Mao kini ang mga kaliwatan ni Sem. Sa dihang nagpanuigon siya ug 100 ka tuig, si Sem nahimong amahan ni Arpacsad, duha ka tuig human sa lunop.

Genesis 2:3

Ug gipanalanginan sa Dios ang ikapito nga adlaw ug gibalaan kini tungod kay niini mipahulay ang Dios gikan sa tanan niyang buhat nga iyang gihimo sa iyang pagpamuhat.

Genesis 25:12

Kini mao ang mga kaliwat ni Ismael, anak ni Abraham kang Hagar nga Ehiptohanon, ang ulipon nga babaye ni Sarah.

Genesis 25:19

Kini mao ang mga kaliwat ni Isaac nga anak ni Abraham. Si Abraham mao ang amahan ni Isaac.

Genesis 36:1

Kini mao ang mga kaliwat ni Esau nga mao si Edom.

Genesis 36:9

Kini sila mao ang mga kaliwat ni Esau nga amahan sa mga Edomhanon, sa kabukiran sa Seir.

Genesis 5:1

Mao kini ang talaan sa mga kaliwat ni Adan. Sa diha nga gibuhat sa Dios ang tawo, gibuhat niya siya sumala sa dagway sa Dios.

1 Mga Hari 18:39

Sa pagkakita sa tibuok katawhan niini, ug sila mihapa ug miingon, “Ang Ginoo, siya mao ang Dios; ang Ginoo, siya mao ang Dios.”

2 Cronicas 20:6

ug miingon, “O Ginoo, Dios sa among mga katigulangan, dili ba ikaw mao ang Dios sa langit? Dili ba ikaw mao ang nagmando sa tanang mga gingharian sa mga kanasoran? Sa imong kamot anaa ang gahom ug kusog, aron walay makaasdang kanimo.

Job 38:28

“May amahan ba ang ulan, o kinsa ba ang nanganak sa mga tulo sa yamog?

Job 38:4

“Diin man ikaw sa pagpahimutang nako sa patukoranan sa kalibotan? Sultihi ako kon ikaw adunay pagpanabot.

Salmo 18:31

Kay kinsa ba ang Dios kondili ang Ginoo? Ug kinsa man ang bato gawas sa atong Dios?—

Salmo 86:10

Kay ikaw bantogan ug nagbuhat sa mga katingalahang butang. Ikaw lamang ang Dios.

Exodo 15:3

Ang Ginoo manggugubat; Yahweh ang iyang ngalan.

Exodo 6:16

Ang mga ngalan sa mga anak ni Levi sumala sa ilang mga kaliwatan: si Gerson, si Kohat ug si Merari. Ug ang mga tuig sa kinabuhi ni Levi 137 ka tuig.

Isaias 44:6

Mao kini ang giingon sa Ginoo, ang Hari sa Israel, ug ang iyang Manunubos, ang Ginoo sa mga panon; “Ako mao ang sinugdan, ug ako mao ang kataposan, ug gawas kanako wala nay Dios.

Gipadayag 1:4

Si Juan nganha sa pito ka iglesia nga anaa sa Asia: Ang grasya maanaa kaninyo ug ang kalinaw gikan kaniya nga mao karon ug mao kaniadto ug mao ang umaabot, ug gikan sa pito ka espiritu nga anaa sa atubangan sa iyang trono

Gipadayag 1:8

“Ako mao ang Alfa ug ang Omega,” nag-ingon ang Ginoong Dios nga mao karon ug mao kaniadto ug mao ang umaabot, ang Makagagahom sa Tanan.

Gipadayag 11:17

ug sila nag-ingon, “Nagpasalamat kami kanimo, Ginoong Dios nga Makagagahom sa Tanan, nga mao karon ug kagahapon, tungod kay gihuptan nimo ang imong dakong gahom ug ikaw naghari.

Gipadayag 16:5

Ug nadungog nako ang anghel sa katubigan nga nag-ingon, “Matarong ikaw niining imong mga paghukom, ikaw nga mao karon ug mao kaniadto, O Balaan.