Genesis 2:25

Ang Biblia 2011

Ug silang duha hubo, ang tawo ug ang iyang asawa, ug sila wala maulaw.

Cross References

Genesis 3:7

Unya nabuka ang mga mata nilang duha, ug sila nakaamgo nga sila hubo, busa nagtahi sila ug mga dahon sa igera ug gihimo nilang mga tapis alang sa ilang kaugalingon.

Salmo 25:3

Wala untay maulawan sa mga naglaom diha kanimo; maulawan unta kadtong nagbudhi nga walay hinungdan.

Salmo 31:17

Ayaw itugot nga ako maulawan, O Ginoo, kay nagpakitabang ako kanimo; himoa nga ang mga daotan maulawan; pahiloma sila didto sa Sheol.

Exodo 32:25

Sa pagkakita ni Moises nga ang katawhan nagpatuyang, kay gitugotan man sila ni Aaron sa pagpatuyang hangtod sa ilang kaulawan sa taliwala sa ilang mga kaaway,

Isaias 44:9

Ang tanan nga nagbuhat ug mga larawan walay hinungdan, ug ang mga butang nga ilang gikalipayan dili magpulos; ang ilang mga saksi dili makakita o makaila, nga tungod niana sila maulawan.

Isaias 47:3

Ang imong pagkahubo madayag, ug ang imong kaulaw makit-an. Ako manimalos, ug walay tawo nga palingkawason.

Isaias 54:4

“Ayaw kahadlok, kay ikaw dili maulawan; ayaw kalibog, kay ikaw dili pakaulawan; kay ikaw malimot sa kaulawan sa imong pagkabatan-on, ug ang kaulawan sa imong pagkabiyuda dili na nimo mahinumdoman.

Jeremias 17:13

O Ginoo, ang paglaom sa Israel, ang tanan nga mobiya kanimo mahiagom sa kaulawan; kadtong mibiya kanimo isulti diha sa yuta, kay sila mibiya sa Ginoo, ang tuboran sa tubig nga buhi.

Jeremias 6:15

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Ezequiel 16:61

Unya ikaw mahinumdom sa imong mga pamaagi, ug maulaw, sa diha nga ako modawat sa imong mga igsoong babaye, ang imong magulang ug ang imong manghod, ug ihatag nako sila kanimo ingon nga mga anak, apan dili tungod sa kasabotan uban kanimo.

Joel 2:26

“Kamo mangaon diha sa kadagaya ug mangatagbaw, ug magdayeg sa ngalan sa Ginoo nga inyong Dios, nga nagbuhat sa mga kahibulongan nganha kaninyo, ug ang akong katawhan dili na gayod maulawan.

Marcos 8:38

Kay si bisan kinsa nga maulaw tungod kanako ug sa akong mga pulong dinhi niining mananapaw ug makasasala nga kaliwatan, ikaulaw usab sa Anak sa Tawo inig-abot niya diha sa himaya sa iyang Amahan kauban sa mga anghel nga balaan.”

Lucas 9:26

Kay si bisan kinsa nga maulaw tungod kanako ug sa akong mga pulong, ikaulaw sa Anak sa Tawo inig-abot niya diha sa iyang himaya ug sa himaya sa Amahan ug sa mga balaang anghel.

Roma 10:11

Kay nag-ingon ang kasulatan, “Ang tanan nga nagtuo kaniya dili maulawan.”