Genesis 2:24

Ang Biblia 2011

Tungod niini, ang lalaki mobiya sa iyang amahan ug sa iyang inahan, ug motipon siya sa iyang asawa, ug sila mahimong usa ka unod.

Cross References

Genesis 4:19

Ug si Lamec nangasawa ug duha ka buok, ang ngalan sa usa mao si Ada ug ang ngalan sa usa si Zilla.

Salmo 45:10

Pamati, O anak nga babaye, pamalandong ug ikiling ang imong igdulungog; kalimti ang imong katawhan ug ang balay sa imong amahan,

Mga Panultihon 12:4

Ang maayo nga asawa purongpurong sa iyang bana, apan ang nagdala ug kaulawan sama sa pagkadunot sa iyang mga bukog.

Mga Panultihon 2:17

nga nagbiya sa kauban sa iyang pagkabatan-on ug nalimot sa kasabotan sa iyang Dios;

Mga Panultihon 31:10

Kinsay makakaplag sa usa ka maayong asawa? Siya bililhon kaayo kay sa mga alahas.

Mga Buhat 11:23

Sa dihang miabot siya ug nakita ang grasya sa Dios, siya nalipay ug iyang gidasig ang tanan sa pagpabilin diha sa Ginoo uban sa kinasingkasing nga katuyoan

Roma 7:2

Tungod niini, ang babayeng minyo nabugkos sa Balaod ngadto sa iyang bana samtang buhi pa kini. Apan kon mamatay ang iyang bana, siya nakalingkawas na gikan sa Balaod mahitungod sa bana.

Deuteronomio 10:20

Kahadloki ninyo ang Ginoo nga inyong Dios. Alagari siya ug pakighiusa kaniya ug panumpa pinaagi sa iyang ngalan.

Deuteronomio 4:4

Apan kamo nga nagpabilin sa Ginoo nga inyong Dios buhi hangtod niining adlawa.

1 Timoteo 5:14

Busa buot nako nga mamana ang mga batan-ong biyuda, manganak sila, magdumala sa ilang mga panimalay ug dili maghatag sa kaaway ug higayon sa pagsulti ug mga pagdaot kanato.

Josue 23:8

Apan pabilin kamo sa Ginoo nga inyong Dios sama sa inyong gibuhat hangtod niining adlawa.

1 Samuel 25:43

Si David nangasawa usab kang Ahinoam sa Jesreel, ug silang duha nahimo niyang mga asawa.