Genesis 2:23

Ang Biblia 2011

Ug ang tawo miingon, “Ania ra gayod ang bukog sa akong mga bukog, ug unod sa akong unod, siya nganlan nga Babaye, kay gikuha siya gikan sa Lalaki.”

Cross References

Genesis 29:14

Ug si Laban miingon kaniya, “Sa pagkatinuod, ikaw akong bukog ug akong unod.” Ug si Jacob mipuyog usa ka bulan uban kaniya.

2 Samuel 19:13

Ug ingna ninyo si Amasa, ‘Dili ba ikaw mao ang akong bukog ug akong unod? Ang Dios magbuhat sa ingon kanako ug labaw pa usab, kon ikaw dili magmando sa akong kasundalohan ingon nga puli ni Joab.’ ”

2 Samuel 5:1

Unya ang tanang banay sa Israel miadto kang David sa Hebron ug miingon, “Tan-awa, kami imong bukog ug unod.

Mga Maghuhukom 9:2

“Isulti diha sa mga igdulungog sa tanang mga tawo sa Sekem, ‘Unsa may labing maayo alang kaninyo, nga ang tanang 70 sa mga anak nga lalaki ni Jerubaal maghari kaninyo, o usa ra ka tawo ang maghari kaninyo?’ Hinumdomi usab nga ako inyong bukog ug inyong unod.”