Genesis 2:2

Ang Biblia 2011

Ug sa ikapito nga adlaw natapos sa Dios ang buhat nga iyang gihimo. Ug mipahulay siya sa ikapito nga adlaw gikan sa tanan niyang buhat nga iyang nahimo.

Cross References

Genesis 1:31

Ug nakita sa Dios ang tanang butang nga iyang gihimo, ug tan-awa, kini maayo kaayo. Dihay kagabhion ug dihay kabuntagon, ikaunom nga adlaw.

Genesis 2:3

Ug gipanalanginan sa Dios ang ikapito nga adlaw ug gibalaan kini tungod kay niini mipahulay ang Dios gikan sa tanan niyang buhat nga iyang gihimo sa iyang pagpamuhat.

Exodo 23:12

“Sulod sa unom ka adlaw buhata ninyo ang inyong mga buluhaton ug sa ikapitong adlaw kinahanglan nga mopahulay kamo aron makapahulay ang inyong baka ug ang inyong asno ug ang anak sa inyong ulipon nga babaye ug ang langyaw maulian sa kabaskog.

Exodo 31:15

Buhata ninyo ang inyong buluhaton sulod sa unom ka adlaw apan ang ikapitong adlaw mao ang adlaw sa balaan nga pagpahulay, balaan ngadto sa Ginoo. Si bisan kinsa nga magbuhat ug bisan unsang buluhaton sa adlaw nga igpapahulay, kinahanglan nga patyon gayod.

Exodo 31:17

Kini maoy usa ka timaan hangtod sa kahangtoran taliwala kanako ug sa katawhan sa Israel, kay sa unom ka adlaw gibuhat sa Ginoo ang langit ug ang yuta ug sa ikapitong adlaw mipahulay siya ug nakapahulay.’ ”

Isaias 58:13

“Kon ilikay nimo ang imong tiil gikan sa adlaw nga igpapahulay, gikan sa pagbuhat sa imong kalipay sa akong adlaw nga balaan, ug magtawag sa adlaw nga igpapahulay nga usa ka kahimut-an, ug ang balaan nga adlaw sa Ginoo nga halangdon; kon pasidunggan nimo kini, dili magsubay sa imong mga pamaagi o mangita sa imong kaugalingon nga kalipay, o magsulti sa kaugalingon mong mga pulong,

Juan 5:17

Apan si Jesus mitubag kanila, “Ang akong Amahan nagpadayon sa pagbuhat ug ako nagbuhat.”

Deuteronomio 5:14

Apan ang ikapito nga adlaw usa ka adlaw nga igpapahulay ngadto sa Ginoo nga inyong Dios. Niini ayaw kamo pagbuhat ug bisan unsa nga buluhaton, kamo, ang inyong mga anak nga lalaki o ang inyong mga anak nga babaye o ang inyong mga sulugoon nga lalaki o ang inyong mga sulugoon nga babaye o ang inyong mga baka o ang inyong mga asno o bisan unsa sa inyong mga kahayopan o sa langyaw nga anaa sa sulod sa inyong mga ganghaan, aron makapahulay ang inyong mga sulugoon nga lalaki ug ang inyong mga sulugoon nga babaye ug kamo usab.

Mga Hebreo 4:10

kay ang nakasulod ngadto sa pahulay niya, mipahulay usab sa iyang mga buhat ingon nga ang Dios usab sa iyang mga buhat.

Mga Hebreo 4:4

Kay sa usa ka dapit siya nagsulti mahitungod sa ikapitong adlaw sa ingon niini, “Ug sa ikapitong adlaw ang Dios mipahulay gikan sa iyang tanang mga buhat.”