Genesis 2:17

Ang Biblia 2011

apan sa kahoy sa kahibalo sa maayo ug sa daotan, ayaw pagkaon niini kay sa adlaw nga mokaon ikaw niini, mamatay ka gayod.”

Cross References

Genesis 2:9

Ug gipaturok sa Ginoong Dios gikan sa yuta ang tanan nga kahoy nga matahom nga tan-awon ug maayo nga kaonon. Diha usab sa taliwala sa tanaman ang kahoy sa kinabuhi ug ang kahoy sa kahibalo sa maayo ug sa daotan.

Genesis 20:7

Busa, karon, iuli ang babaye ngadto sa iyang bana kay siya usa ka propeta ug siya mag-ampo alang kanimo ug mabuhi ikaw. Ug kon dili nimo siya iuli, nasayod na ikaw nga mamatay gayod ikaw lakip ang tanang mga imo.”

Genesis 3:11

Ug miingon siya, “Kinsa ba ang nag-ingon kanimo nga hubo ikaw? Mikaon ba ikaw gikan sa kahoy nga gidili nako kanimo sa pagkaon?”

Genesis 3:17

Ug miingon siya kang Adan, “Tungod kay namati man ikaw sa tingog sa imong asawa ug mikaon sa bunga sa kahoy nga niini ako nagsugo kanimo, ‘Ayaw pagkaon niini,’ tinunglo ang yuta tungod kanimo. Pinaagi sa pagbudlay makakaon ikaw gikan niini sa tanang mga adlaw sa imong kinabuhi.

Genesis 3:19

Pinaagi sa singot sa imong nawong makakaon ikaw sa pan hangtod nga mobalik ikaw sa yuta tungod kay ikaw gikuha gikan niini; ikaw abog ug sa abog ikaw mobalik.”

1 Mga Hari 2:37

Kay sa adlaw nga ikaw mobiya, ug molabang sa sapa sa Kidron, hibaloi nga ikaw mamatay gayod ug ang imong dugo anha sa ibabaw sa imong kaugalingong ulo.”

1 Mga Hari 2:42

gipatawag sa hari si Simei ug miingon kaniya, “Dili ba gipapanumpa ko man ikaw ngadto sa Ginoo ug nagpasidaan kanimo nga nag-ingon, ‘Hibaloi gayod nga sa adlaw nga ikaw mogula ug molakaw sa bisan diin nga dapit, ikaw mamatay gayod?’ Ug ikaw miingon kanako, ‘Ang imong gisulti maayo. Motuman ako.’

Jeremias 26:8

Sa diha nga nahuman si Jeremias sa pagsulti kanila sa tanang gisugo sa Ginoo nga isulti sa tibuok katawhan, ang mga pari ug ang mga propeta ug ang tibuok katawhan midakop kaniya, nga nag-ingon, “Mamatay gayod ikaw!

Ezequiel 18:13

nagpatanto ug nagdawat ug tubo, mabuhi ba diay siya? Dili siya mabuhi. Siya nagbuhat niining tanan nga mga dulumtanan, siya mamatay gayod, ang iyang dugo anha kaniya.

Ezequiel 18:32

Kay ako walay kalipay sa kamatayon ni bisan kinsa, nag-ingon ang Ginoong Dios. Busa balik ug mabuhi.”

Ezequiel 18:4

Hibaloi nga ang tanang may kinabuhi akoa, ang kinabuhi sa amahan ingon man ang kinabuhi sa anak akoa. Ang tawo nga makasala mamatay.

Ezequiel 33:14

Ug usab, bisan kon ako moingon sa tawong daotan, ‘Ikaw mamatay gayod,’ apan kon siya mobiya sa iyang sala ug magbuhat sa unsay uyon sa balaod ug sa matarong,

Ezequiel 33:8

Kon ako moingon sa daotan, ‘O daotan nga tawo, ikaw mamatay gayod,’ ug ikaw dili mosulti sa pagpasidaan sa tawong daotan aron mobiya sa iyang pamaagi, kanang tawo nga daotan mamatay gayod diha sa iyang kasal-anan, apan ang iyang dugo paninglon nako diha sa imong kamot.

Numeros 26:65

Kay ang Ginoo miingon mahitungod kanila, “Mangamatay sila diha sa kamingawan.” Ug walay bisan usa ka tawo nga nahibilin kanila gawas kang Caleb, nga anak ni Jefone ug kang Josue nga anak ni Nun.

Roma 1:32

Kini sila, bisan nasayod sa balaod sa Dios nga ang naghimo niining maong mga butang angay nga patyon, wala lamang maghimo niini kondili miuyon usab kanila nga nagbuhat niini.

Roma 6:16

Wala ba kamo masayod nga kon itugyan ninyo ang inyong kaugalingon ingon nga mga masinugtanong ulipon ngadto kang bisan kinsa, kamo mga ulipon niya nga inyong gituman, mahimong ngadto sa sala nga maghatod ngadto sa kamatayon o ngadto sa pagkamasinugtanon nga maghatod ngadto sa pagkamatarong?

Roma 6:23

Kay ang bayad sa sala mao ang kamatayon apan ang gasa gikan sa Dios mao ang kinabuhing dayon diha kang Cristo Jesus nga atong Ginoo.

Roma 8:2

Kay ang balaod sa Espiritu sa kinabuhi diha kang Cristo Jesus nagpalingkawas kanako gikan sa balaod sa sala ug sa kamatayon.

1 Mga Taga-Corinto 15:22

Kay ingon nga diha kang Adan ang tanan nangamatay, ingon usab diha kang Cristo ang tanan mangabuhi.

1 Mga Taga-Corinto 15:56

Ang kalala sa kamatayon mao ang sala ug ang gahom sa sala mao ang balaod.

Mga Taga-Galacia 3:10

Kay ang tanan nga nagsalig sa mga buhat sa Balaod nailalom sa tunglo, kay nasulat kini, “Tinunglo ang tanan nga wala magsubay sa tanang nasulat sa basahon sa Balaod aron sa pagtuman niini.”

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”

Deuteronomio 27:26

“ ‘Tinunglo ang dili mouyon sa mga pulong niini nga Balaod aron sa pagtuman niini.’ Ug ang tanang katawhan moingon, ‘Amen!’

Deuteronomio 30:15

“Tan-awa, gibutang nako karon sa inyong atubangan ang kinabuhi ug ang kaayohan, ang kamatayon ug ang kadaotan.

Deuteronomio 30:19

Ako magtawag sa langit ug sa yuta sa pagsaksi batok kaninyo niining adlawa, nga gibutang nako sa inyong atubangan ang kinabuhi ug ang kamatayon, ang panalangin ug ang tunglo. Busa pilia ang kinabuhi aron kamo ug ang inyong kaliwatan mabuhi,

Mga Taga-Colosas 2:13

Ug kamo nga mga patay kaniadto diha sa mga kalapasan ug sa pagkadili tinuli sa inyong unod, ang Dios naghimo kaninyo nga buhi uban kaniya ingon nga napasaylo na niya kita sa tanan natong kalapasan,

1 Timoteo 5:6

Apan ang biyuda nga nagkinabuhi diha sa pagpatuyang sa kaugalingon, patay na bisan buhi pa siya.

Santiago 1:15

Unya sa diha nga ang pagpangibog masamkon na, mahimugso ang sala, ug ang sala sa dihang mahingpit na, magdala ug kamatayon.

1 Juan 5:16

Kon may makakita nga ang iyang igsoon nakahimo ug sala nga dili makamatay, kinahanglan nga maghangyo siya ug ang Dios maghatag kaniya ug kinabuhi ngadto kanila nga nakahimo ug sala nga dili makamatay. Adunay sala nga makamatay; wala ako mag-ingon nga mag-ampo siya alang niini.

Gipadayag 2:11

Ang adunay igdulungog kinahanglan nga magpatalinghog sa sulti sa Espiritu ngadto sa mga iglesia. Siya nga magmadaogon, dili maunsa sa ikaduhang kamatayon.’

Gipadayag 20:14

Unya ang Kamatayon ug ang Hades gitambog ngadto sa linaw nga kalayo. Mao kini ang ikaduhang kamatayon, ang linaw nga kalayo.

Gipadayag 20:6

Bulahan ug balaan ang tawo nga makaambit sa unang pagpamanhaw! Sa mga tawong ingon niini walay gahom ang ikaduhang kamatayon ibabaw kanila, apan sila mahimong mga pari sa Dios ug ni Cristo, ug uban kaniya maghari sila sa usa ka libo ka tuig.

Gipadayag 21:8

Apan alang sa mga talawan, sa mga walay pagtuo, sa mga dulumtanan, sa mga mamumuno, ug sa mga makihilawason, sa mga salamangkiro ug sa mga nagsimba ug mga diosdios, ug sa tanang mga bakakon, ang ilang bahin anaa sa linaw nga nagdilaab sa kalayo ug asupri, nga mao ang ikaduhang kamatayon.”

Mga Maghuhukom 3:2

Kini aron lamang nga ang mga kaliwatan sa katawhan sa Israel makakat-on sa gubat aron siya makatudlo niadtong wala pa gayod mahibalo niini kaniadto.

1 Samuel 14:39

Kay ingon nga ang Ginoo buhi nga mao ang nagluwas sa Israel, bisan pa kon kana anaa kang Jonatan nga akong anak, siya mamatay gayod.” Apan walay usa ka tawo sa taliwala sa tibuok katawhan nga mitubag kaniya.

1 Samuel 14:44

Ug si Saul miingon, “Ang Dios maghimo niana kanako ug labaw pa, ikaw mamatay gayod, Jonatan.”

1 Samuel 20:31

Kay samtang ang anak ni Jesse buhi sa ibabaw sa yuta, ikaw o ang imong gingharian dili mapahiluna. Busa karon pasugoi ug dad-a siya ngari kanako, kay siya mamatay gayod.”

1 Samuel 22:16

Ang hari miingon, “Ikaw mamatay gayod, Ahimelek, ikaw ug ang tibuok panimalay sa imong amahan.”