Genesis 2:16

Ang Biblia 2011

Ug ang Ginoong Dios nagsugo sa tawo, nga nag-ingon, “Makakaon ikaw gikan sa tanan nga kahoy sa tanaman,

Cross References

Genesis 1:29

Ug ang Dios miingon, “Tan-awa, akong gihatag kaninyo ang tanang tanom nga naghatag ug binhi nga anaa sa tibuok nga yuta, ug ang tanang kahoy nga may bunga nga naghatag ug binhi. Inyo na kini alang sa inyong pagkaon.

Genesis 2:15

Gikuha sa Ginoong Dios ang tawo ug gibutang sa tanaman sa Eden aron mag-atiman ug magbantay niini.

Genesis 2:9

Ug gipaturok sa Ginoong Dios gikan sa yuta ang tanan nga kahoy nga matahom nga tan-awon ug maayo nga kaonon. Diha usab sa taliwala sa tanaman ang kahoy sa kinabuhi ug ang kahoy sa kahibalo sa maayo ug sa daotan.

Genesis 3:3

apan miingon ang Dios, ‘Ayaw kamo pagkaon sa bunga sa kahoy nga anaa sa taliwala sa tanaman o bisan sa paghikap niana, aron dili kamo mamatay.’ ”

1 Timoteo 4:4

Kay maayo ang tanang binuhat sa Dios, ug walay ipasalikway kon gidawat kini uban sa pagpasalamat,

1 Timoteo 6:17

Sa mga dato niining panahona karon, sugoa sila nga dili magpataas sa ilang kaugalingon o magbutang sa ilang paglaom diha sa walay kasigurohan nga mga bahandi, kondili diha sa Dios nga madagayaong naghatag kanato sa tanang butang alang sa atong kalipay.

1 Samuel 15:22

Ug si Samuel miingon, “Aduna bay dakong kalipay ang Ginoo diha sa mga halad nga sunogon ug sa mga inihaw kay sa pagtuman sa tingog sa Ginoo? Timan-i, ang pagtuman labaw pang maayo kay sa inihaw, ug ang pagpamati kay sa tambok sa mga laking karnero.