Genesis 2:1

Ang Biblia 2011

Busa ang kalangitan ug ang yuta nahuman pagbuhat ug ang tanang panon niini.

Cross References

Genesis 1:1

Sa sinugdan gibuhat sa Dios ang kalangitan ug ang yuta.

Genesis 1:10

Ang uga nga dapit gitawag sa Dios nga Yuta, ug ang katubigan nga natingob iyang gitawag nga Kadagatan. Ug nakita sa Dios nga kini maayo.

Genesis 2:4

Kini mao ang mga sinugdan sa kalangitan ug sa yuta sa dihang gibuhat kini. Sa adlaw nga gibuhat sa Ginoong Dios ang yuta ug ang langit,

2 Mga Hari 19:15

Ug si Hesekias nag-ampo sa Ginoo nga nag-ingon, “O Ginoo, ang Dios sa Israel, nga naglingkod ibabaw sa mga kerubin, ikaw ang Dios, ikaw lamang, sa tanang gingharian sa yuta, ikaw ang nagbuhat sa langit ug sa yuta.

2 Cronicas 2:12

Si Hiram miingon usab, “Dalaygon ang Ginoo, ang Dios sa Israel nga nagbuhat sa langit ug sa yuta, nga mihatag kang Hari David sa usa ka maalamon nga anak nga lalaki nga gihatagan ug kaligdong ug panabot, nga magtukod sa usa ka templo alang sa Ginoo, ug usa ka harianong balay alang sa iyang kaugalingon.

Nehemias 9:6

Ug si Ezra miingon, “Ikaw mao ang Ginoo, ikaw lamang. Imong gibuhat ang langit, ang langit sa kalangitan, uban ang tibuok nilang panon, ang yuta ug ang tanan nga anaa niini, ang kadagatan ug ang tanan nga anaa niini, ug imong gipalungtad silang tanan ug ang panon sa langit nagsimba kanimo.

Job 12:9

Kinsa niining tanan ang wala mahibalo nga ang kamot sa Ginoo maoy nagbuhat niini?

Salmo 104:2

nagtabon ug kahayag sa imong kaugalingon ingon sa bisti, nagbuklad sa kalangitan ingon sa usa ka tolda,

Salmo 146:6

nga nagbuhat sa langit ug sa yuta, sa dagat, ug sa tanan nga anaa niini; nga magmatinumanon hangtod sa kahangtoran;

Salmo 33:6

Pinaagi sa pulong sa Ginoo nahimo ang kalangitan, ug ang tanan nilang mga panon pinaagi sa gininhawa sa iyang baba.

Salmo 33:9

Kay siya misulti, ug kini nahitabo; siya misugo, ug kini mibarog.

Exodo 20:11

Kay sa unom ka adlaw gibuhat sa Ginoo ang langit ug ang yuta, ang dagat ug ang tanan nga anaa niini ug mipahulay siya sa ikapitong adlaw. Busa gipanalanginan sa Ginoo ang adlaw nga igpapahulay ug gibalaan kini.

Exodo 31:17

Kini maoy usa ka timaan hangtod sa kahangtoran taliwala kanako ug sa katawhan sa Israel, kay sa unom ka adlaw gibuhat sa Ginoo ang langit ug ang yuta ug sa ikapitong adlaw mipahulay siya ug nakapahulay.’ ”

Isaias 34:4

Ang tanan nga panon sa langit mangadunot, ug ang kalangitan lukoton ingon sa usa ka linukot nga basahon. Ang tanan nilang panon mangahulog, sama sa mga dahon nga mangalarag gikan sa paras, sama sa dahon sa igera nga nagkalarag.

Isaias 42:5

Mao kini ang gisulti sa Dios, ang Ginoo, nga nagbuhat sa kalangitan ug nagbuklad niini, nga naghikyad sa yuta ug sa mga naggikan niini, nga naghatag ug gininhawa sa katawhan nga anaa sa ibabaw niini, ug espiritu ngadto kanila nga naglakaw diha niini:

Isaias 45:12

Gibuhat nako ang yuta, ug gibuhat ang tawo sa ibabaw niini; ang akong mga kamot ang nagbuklad sa kalangitan, ug ako ang nagmando sa tanan nilang mga panon.

Isaias 45:18

Kay mao kini ang giingon sa Ginoo, nga nagbuhat sa kalangitan (siya Dios!), nga nag-umol sa yuta ug naghimo niini, (siya nagtukod niini; siya wala maghimo niini nga samok, siya nag-umol niini aron puy-an!): “Ako mao ang Ginoo, ug wala nay lain.

Isaias 48:13

Ang akong kamot mao ang nagpahiluna sa patukoranan sa yuta, ug ang akong tuong kamot mao ang nagbukhad sa kalangitan; sa diha nga ako magtawag niini, kini magdungan pagtindog.

Isaias 55:9

Kay ingon nga ang kalangitan habog kay sa yuta, mao usab ang akong mga pamaagi habog kay sa inyong mga pamaagi, ug ang akong mga hunahuna kay sa inyong mga hunahuna.

Isaias 65:17

“Kay tan-awa, ako naghimo ug bag-ong kalangitan ug usa ka bag-ong yuta; ug ang unang mga butang dili na hinumdoman, o moabot pa sa hunahuna.

Jeremias 10:12

Siya mao ang nagbuhat sa yuta pinaagi sa iyang gahom, nagtukod sa kalibotan pinaagi sa iyang kaalam, ug pinaagi sa iyang salabotan gihikyad niya ang kalangitan.

Jeremias 10:16

Dili sama niini siya nga mao ang bahin ni Jacob, kay siya mao ang naghimo sa tanang mga butang, ug ang Israel mao ang banay sa iyang panulundon; si Yahweh sa mga panon mao ang iyang ngalan.

Jeremias 8:2

Unya katagon kini ilalom sa adlaw ug sa bulan ug sa tanang panon sa langit nga ilang gihigugma ug gialagaran, nga ilang gisunod ug ilang gipangita ug gisimba. Ug dili kini tigumon o ilubong; mahimo kining sama sa kinalibang diha sa yuta.

Zacarias 12:1

Ang pulong sa Ginoo mahitungod sa Israel: Mao kini ang giingon sa Ginoo, nga nagbukhad sa kalangitan, ug nagtukod sa kalibotan, ug naghimo sa espiritu sa tawo sulod kaniya,

Lucas 2:13

Ug sa kalit diha uban sa anghel ang usa ka dakong langitnong panon nga nagdayeg sa Dios ug nag-ingon,

Mga Buhat 4:24

Ug sa ilang pagkadungog niini, nagdungan sila sa pagpatugbaw sa ilang mga tingog ngadto sa Dios ug miingon, “Gamhanang Ginoo, nga mao ang nagbuhat sa langit ug sa yuta ug sa dagat ug sa tanang butang nga anaa niini,

Mga Buhat 7:42

Apan ang Dios mitalikod kanila ug mitugyan kanila ngadto sa pagsimba sa mga bituon sa kalangitan, sumala sa nasulat sa basahon sa mga propeta nga nag-ingon: ‘Gihalaran ba ako ninyo ug mga inihaw ug mga halad sulod sa 40 ka tuig didto sa kamingawan, O balay ni Israel?

Deuteronomio 17:3

ug miadto ug mialagad sa laing mga dios ug misimba kanila, o sa adlaw o sa bulan o sa bisan unsa sa panon sa langit nga akong gidili,

Deuteronomio 4:19

Ug pagmatngon kamo kay tingali unya ug sa pagyahat ninyo sa inyong mga mata sa langit ug sa dihang makita ninyo ang adlaw ug ang bulan ug ang mga bituon, ang tanang panon sa langit, madani kamo ug mosimba kanila ug mag-alagad kanila, mga butang nga gihatag sa Ginoo nga inyong Dios alang sa tanang mga katawhan ilalom sa tibuok nga langit.

Mga Hebreo 4:3

Kay kita nga nagtuo nakasulod sa maong pahulay, sumala sa iyang gisulti, “Ingon nga akong gipanumpa tungod sa akong kapungot, ‘Dili gayod sila makasulod sa akong pahulay,’ ” bisan ug ang iyang mga buhat nahuman na sukad pa sa pagkatukod sa kalibotan.