Genesis 19:9

Ang Biblia 2011

Ug sila miingon, “Hawa diha.” Ug miingon pa gayod sila, “Kining tawhana mianhi sa pagpuyo ingon nga usa ka dumuduong, ug buot mahimong maghuhukom? Karon buhaton namo kanimo ang labi pang daotan kay kanila.” Ug gipugos nila pag-ayo ang tawo nga si Lot ug miduol sila aron sa paglungkab sa pultahan.

Cross References

Genesis 11:6

Ug miingon ang Ginoo, “Tan-awa, sila usa lamang ka katawhan ug may usa lamang ka pinulongan silang tanan, ug kini sinugdanan lamang sa bisan unsa nga ilang buot buhaton, ug wala unyay dili mahimo sa buot nilang buhaton.

Genesis 13:12

Si Abram mipuyo sa yuta sa Canaan ug si Lot mipuyo didto sa mga siyudad sa kapatagan, ug gibalhin niya ang iyang tolda hangtod sa Sodoma.

Exodo 2:14

Ug siya mitubag, “Kinsa ba ang naghimo kanimo nga pangulo ug maghuhukom kanamo? Naghunahuna ba ikaw sa pagpatay kanako sama sa pagpatay nimo sa Ehiptohanon?” Unya si Moises nahadlok ug miingon sa iyang kaugalingon, “Ang mga tawo nahibalo diay sa nahitabo.”

Mga Panultihon 14:16

Ang usa ka tawong maalamon mabinantayon ug molikay sa daotan, apan ang buangbuang mosalikway sa pagpugong ug mapasagaron.

Mga Panultihon 17:12

Ipasugat sa usa ka tawo ang usa ka oso nga nawad-an sa iyang mga anak, kay sa usa ka buangbuang diha sa iyang binuang.

Mga Panultihon 27:3

Ang usa ka bato bug-at, ug ang balas ugdang, apan ang kasamok nga gihimo sa usa ka buangbuang bug-at pa kay sa duha.

Ecclesiastes 10:13

Ang sinugdan sa mga pulong sa iyang baba binuang, ug ang kataposan sa iyang pakigsulti daotan nga kabuang.

Ecclesiastes 9:3

Daotan kini diha sa tanan nga nabuhat ilalom sa adlaw, nga usa ka sangpotanan moabot sa tanan; ang mga kasingkasing usab sa mga anak sa mga tawo puno sa kadaotan, ug ang kabuang anaa sa ilang kasingkasing samtang buhi pa sila, ug human niini mangadto sila sa mga patay.

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Jeremias 6:15

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Jeremias 8:12

Nangaulaw ba sila sa diha nga nagbuhat sila sa dulumtanan? Wala, wala gayod sila mangaulaw, dili sila mahibalong manglipaghong. Busa mangapukan sila uban niadtong nangapukan; sa diha nga silotan nako sila, sila mangapukan, nag-ingon ang Ginoo.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Mateo 7:6

“Ayaw ihatag sa mga iro ang butang nga balaan ug ayaw iitsa ang inyong mga perlas ngadto sa mga baboy kay tingali unya ug ila kining yatakyatakan ug sumbalikon unya nila kamo ug hambaton.

1 Samuel 17:44

Ang Filistihanon miingon kang David, “Duol kanako, ug ihatag nako ang imong unod ngadto sa mga langgam sa kalangitan ug sa mga mananap sa kapatagan.”

1 Samuel 2:16

Kon ang tawo moingon kaniya, “Ipasunog nila ang tambok pag-una, unya makahimo na ikaw sa pagkuha kutob sa imong gitinguha” siya moingon, “Dili, kinahanglan nga ihatag nimo kini kanako karon, kay kon dili, pugson nako kini pagkuha.”

1 Samuel 25:17

Busa karon hibaloi ug hunahunaa kon unsay imong buhaton, kay daotan ang gitinguha batok sa atong agalon ug batok sa tibuok niyang balay, ug siya usa ka tawo nga daotan ug batasan ug walay si bisan kinsa nga makasulti kaniya.”