Genesis 19:5

Ang Biblia 2011

Unya ilang gitawag si Lot, “Hain ba ang mga tawo nga mianhi kanimo karong gabii? Pagulaa sila nganhi kanamo aron kami makighilawas kanila.”

Cross References

Genesis 19:6

Unya si Lot migula sa pultahan ngadto kanila, ug gitakpan niya ang pultahan sa likod niya.

1 Mga Hari 14:24

May mga lalaki usab nga nagbaligya sa ilang dungog didto sa yuta. Sila naghimo sumala sa tanang dulumtanan sa mga nasod nga gipapahawa sa Ginoo gikan sa atubangan sa katawhan sa Israel.

1 Mga Hari 22:46

Ug ang nahibilin sa mga lalaki nga nagbaligya sa ilang dungog nga nagpabilin sa mga adlaw sa iyang amahan nga si Asa iyang gipuo gikan sa yuta.

Isaias 1:9

Kon ang Ginoo sa mga panon wala pa magbilin alang kanato ug pipila ka salin, mahimo unta kita nga sama sa Sodoma, ug mahimo unta nga sama sa Gomora.

Isaias 3:9

Ang ilang pagdapig nagsaksi batok kanila; gipasundayag nila ang ilang sala sama sa Sodoma, wala nila kini taboni. Alaot sila! kay nagdala sila ug daotan sa ilang kaugalingon.

Jeremias 3:3

Busa ang ulan gipugngan, ug ang ulan sa tingpamulak wala moabot; bisan pa niini ikaw adunay kilay sa babaye nga nagbaligya sa iyang dungog, ikaw nagdumili sa pagkaulaw.

Jeremias 6:15

Nangaulaw ba sila sa ilang pagbuhat ug dulumtanan? Wala, wala gayod sila mangaulaw; wala sila mahibalo unsaon pagpanglipaghong. Busa sila mangapukan uban niadtong mga nangapukan; sa panahon nga silotan nako sila, sila mangapukan,” nag-ingon ang Ginoo.

Ezequiel 16:49

Mao kini ang kasal-anan sa imong igsoon nga Sodoma: siya ug ang iyang mga anak nga babaye adunay garbo, nanubra nga pagkaon ug mauswagong kasayon, apan wala motabang sa kabos ug sa nanginahanglan.

Ezequiel 16:50

Sila mga mapahitas-on ug nagbuhat ug mga dulumtanan sa akong atubangan. Busa gipapahawa nako sila sa dihang nakita nako kini.

Ezequiel 16:51

Ang Samaria wala makabuhat sa katunga sa imong mga sala. Ikaw makahimo ug daghang mga dulumtanan labaw kay kanila ug gihimo nimo ang imong mga igsoong babaye nga makita nga matarong pinaagi sa tanang mga dulumtanan nga imong nabuhat.

Levitico 18:22

Ayaw pakighilawas sa isigkalalaki sama nga uban sa usa ka babaye, kini dulumtanan.

Levitico 20:13

Kon ang usa ka tawo makighilawas sa isigkalalaki sama nga uban sa usa ka babaye, silang duha nagbuhat ug dulumtanan, silang duha patyon gayod ug sila ra ang sad-an sa ilang kamatayon.

1 Mga Taga-Corinto 6:9

Wala ba kamo masayod nga ang mga tawong dili matarong dili makapanunod sa gingharian sa Dios? Ayaw kamo pagpalimbong; walay mga makihilawason o mga tigsimba ug mga diosdios o mga mananapaw o mga makig-unay ug isigkalalaki

Deuteronomio 23:17

“Kinahanglan nga walay magbaligya sa iyang dungog sa mga anak nga babaye sa Israel o magbaligya sa iyang dungog sa mga anak nga lalaki sa Israel.

1 Timoteo 1:10

sa mga makihilawason, sa mga makig-unay ug isigkalalaki, sa mga mamimihag ug tawo, sa mga bakakon, sa mga tigpanumpa ug bakak, ug bisan unsa pa nga kabatok sa maayong pagtulun-an

2 Timoteo 3:13

Apan ang mga tawong daotan ug ang mga tigpakaaron-ingnon mosamot pa sa pagkadaotan, manglimbong ug malimbongan.

2 Pedro 2:2

Daghan ang mosunod sa ilang pagkamapatuyangon, ug tungod kanila pasipad-an ang dalan sa kamatuoran.

2 Pedro 2:7

ug kon iyang giluwas ang matarong nga si Lot nga naguol pag-ayo tungod sa pagkamapatuyangon sa mga tawong daotan, (

Judas 1:7

Ingon sa Sodoma ug Gomora ug sa silingang kalungsoran, nga sa samang paagi nagbuhat sa salawayong pakighilawas ug sa pagpatuyang sa kaulag, nahimo silang mga panag-ingnan pinaagi sa pagpahiagom sa silot nga kalayong walay kataposan.

Mga Maghuhukom 19:22

Samtang naglipay sila sa ilang mga kasingkasing, adunay mga tawo sa siyudad, mga daotang tawo, naglibot sa balay nga nagpukpok sa pultahan. Ug sila miingon sa tigulang, ang tag-iya sa balay, “Pagulaa ang tawo nga miabot sa imong balay aron makaila kami kaniya.”