Genesis 19:3

Ang Biblia 2011

Apan siya namugos gayod kanila ug sila miuban kaniya ug miadto una sila sa iyang balay ug sila gihikayan niya ug nagluto siya ug pan nga walay patubo ug nangaon sila.

Cross References

Genesis 19:2

Ug siya miingon, “Naghangyo ako kaninyo, akong mga agalon, mohapit una kamo sa balay sa inyong ulipon ug magpalabay sa kagabhion ug manghugas kamo sa inyong mga tiil ug sa pagkabuntag mamangon kamo ug sayo ug mopadayon sa inyong paglakaw.” Ug sila mitubag, “Dili, kay sa dalan lamang kami magpalabay sa kagabhion.”

Genesis 21:8

Ug mitubo ang bata ug gilutas siya. Ug naghikay si Abraham ug usa ka dakong kombira sa adlaw sa paglutas kang Isaac.

Genesis 24:31

Ug siya miingon kaniya, “Dayon! Ikaw nga gipanalanginan sa Ginoo. Ngano nga nagtindog ikaw sa gawas? Giandam nako ang balay ug ang dapit alang sa mga kamilyo.”

Genesis 26:30

Ug siya naghikay alang kanila ug nangaon sila ug nanginom.

2 Mga Hari 4:8

Usa ka adlaw niana, si Eliseo miadto sa Sunam, diin may nagpuyo nga usa ka dato nga babaye nga mipugos kaniya sa pagkaon. Busa matag agi niya niadtong dapita, mohapit gayod siya sa balay aron mokaon.

Exodo 12:15

Pito ka adlaw kamong magkaon ug pan nga walay patubo. Sa unang adlaw, ipalayo ang tanang patubo sa pan gikan sa inyong mga balay kay si bisan kinsa nga mokaon ug bisan unsa nga may patubo sukad sa unang adlaw hangtod sa ikapito, ang maong tawo ipahimulag gikan sa Israel.

Exodo 12:39

Nagluto sila ug mga pan nga walay patubo sa minasa nga ilang gidala gikan sa Ehipto kay kini wala may patubo. Tungod kay gihinginlan man sila sa Ehipto ug wala sila makahimo sa paglanganlangan o sa paghikay ug bisan unsang makaon.

Lucas 11:8

Sultihan ko kamo, bisan ug dili siya mobangon sa paghatag kaniya ug bisan unsa tungod kay sila higala, apan tungod sa iyang mapugsanong hangyo mobangon na lang siya ug mohatag sa bisan unsa nga iyang gikinahanglan.

Lucas 14:23

Ang agalon miingon, ‘Lakaw ngadto sa kadalanan ug sa kasuokan ug pugsa ang mga tawo sa pag-anhi aron mapuno kining akong balay.

Lucas 5:29

Unya si Levi naghimo alang kaniya ug usa ka dakong kombira didto sa iyang balay, ug didtoy dakong pundok sa mga tigpaningil ug buhis ug uban pa nga nagtambong sa kan-anan uban kanila.

Juan 12:2

Ug didto gidalitan siya nila ug panihapon. Si Marta mao ang nagsilbi ug si Lazaro usa sa mga mitambong sa kan-anan uban kaniya.

1 Mga Taga-Corinto 5:8

Busa himoon nato ang kasaulogan, dili pinaagi sa daan nga patubo, dili pinaagi sa patubo nga mao ang pagkangil-ad ug pagkadaotan, kondili pinaagi sa walay patubo nga pan sa pagkamatinud-anon ug sa kamatuoran.

2 Mga Taga-Corinto 5:14

Kay ang gugma ni Cristo nagpugong kanamo, tungod kay kami naghukom man sa ingon niini, nga may usa nga nagpakamatay alang sa tanan busa ang tanan nangamatay.

Mga Hebreo 13:2

Ayaw ninyo kalimti ang pag-abiabi sa mga dumuduong, kay pinaagi niini adunay nakaalagad ug mga anghel nga wala lang nila hibaloi.

Mga Maghuhukom 6:19

Busa si Gideon misulod sa iyang balay ug nag-andam ug usa ka nating kanding ug pan nga walay patubo gikan sa usa ka epha nga harina. Ang karne iyang gisulod sa usa ka bukag ug ang sabaw iyang gisulod sa usa ka kolon ug iyang gidala kini ngadto kaniya sa ilalom sa dakong kahoy ug gihatag kini.

1 Samuel 28:24

Ang babaye may usa ka pinatambok nga nating baka diha sa balay ug siya midali pag-ihaw niini ug mikuha siya ug harina ug gimasa kini, ug nagluto ug pan nga walay patubo gikan niini.