Genesis 19:25

Ang Biblia 2011

Ug gilaglag niya ang mga siyudad ug ang tibuok nga walog, uban sa tanan nga mga namuyo niadtong mga siyudara, ug ang nagtubo sa yuta.

Cross References

Genesis 13:10

Giyahat ni Lot ang iyang mga mata, ug nakita niya nga ang kapatagan sa Jordan daghan ug tubig sama sa tanaman sa Ginoo, sama sa yuta sa Ehipto paingon sa Zoar. Kini sa wala pa laglaga sa Ginoo ang Sodoma ug ang Gomora.

Genesis 13:12

Si Abram mipuyo sa yuta sa Canaan ug si Lot mipuyo didto sa mga siyudad sa kapatagan, ug gibalhin niya ang iyang tolda hangtod sa Sodoma.

Genesis 14:3

Silang tanan naghiusa didto sa Walog sa Sidim, nga mao ang Dagat nga Patay.

Salmo 107:34

ang tabunok nga yuta ngadto sa asinon nga dapit, tungod sa pagkadaotan nila nga nagpuyo niini.

Isaias 13:19

Ug ang Babilonia, ang himaya sa mga gingharian, ang katahom ug ang garbo sa mga Caldeanhon, mahimong sama sa Sodoma ug Gomora sa dihang lumpagon kini sa Dios.

Jeremias 20:16

Himoa kanang tawhana nga sama sa mga siyudad nga gipukan sa Ginoo sa walay kaluoy; padungga siya ug singgit sa kabuntagon ug singgit sa kakuyaw sa kaudtohon,

Jeremias 23:14

Apan sa mga propeta sa Jerusalem, nakita nako ang usa ka makalilisang nga butang: sila nanapaw ug nagkinabuhi sa kabakakan; gipalig-on nila ang mga kamot sa mga tigbuhat ug daotan, aron walay mobiya gikan sa iyang pagkadaotan; ang tanan kanila nahimong sama sa Sodoma alang kanako ug ang mga nagpuyo niini sama sa Gomora.”

Jeremias 49:18

Sama sa pagkalaglag sa Sodoma ug sa Gomora ug sa mga silingang siyudad, nag-ingon ang Ginoo, walay tawo nga magpuyo didto, walay tawo nga moadto didto aron mopuyo.

Jeremias 50:40

Ingon nga ang Sodoma ug Gomora gigun-ob sa Dios ug ang mga kasikbit nga siyudad niini, nag-ingon ang Ginoo, busa walay tawo nga magpuyo didto ug walay anak sa tawo nga molangyaw didto.

Mga Pagbangotan 4:6

Tungod kay ang pagpanton sa anak nga babaye sa akong katawhan labaw pa kay sa silot sa Sodoma nga gilaglag sa kalit, walay kamot nga migunit kaniya.

Ezequiel 16:50

Sila mga mapahitas-on ug nagbuhat ug mga dulumtanan sa akong atubangan. Busa gipapahawa nako sila sa dihang nakita nako kini.

Amos 4:11

“Akong gilumpag ang pipila kaninyo, sama sa paglumpag sa Dios sa Sodoma ug sa Gomora ug sama kamo sa mga agipo nga gikuha gikan sa kalayo; apan bisan pa niana, kamo wala mobalik kanako,” nag-ingon ang Ginoo.

Sofonias 2:9

Busa ingon nga ako buhi, nag-ingon ang Ginoo sa mga panon, ang Dios sa Israel, ang Moab mahimong sama sa Sodoma, ug ang mga Amonihanon sama sa Gomora, usa ka yuta nga malukop sa mga kadyapa ug sa mga gahong sa asin, biniyaan hangtod sa kahangtoran. Ang mahibilin sa akong katawhan manakmit kanila ug ang salin sa akong nasod manag-iya kanila.

Deuteronomio 29:23

ang tibuok nga yuta niini asupri ug asin ug nagdilaab, wala pugsi ug walay nagtubo niini, diin walay sagbot nga makaturok, sama sa pagkalaglag sa Sodoma ug sa Gomora, sa Adma ug sa Zeboim nga gilaglag sa Ginoo sa iyang kapungot ug kaligutgot—

2 Pedro 2:6

ug kon ang mga siyudad sa Sodoma ug Gomora iyang gihukman nga maugdaw sa katalagman ug gihimong panag-ingnan alang kanila nga buot magkinabuhi nga dili diosnon,