Genesis 19:14

Ang Biblia 2011

Unya migula si Lot ug misulti sa iyang mga umagaron nga buot mangasawa sa iyang mga anak nga babaye ug siya miingon kanila, “Panindog kamo, pahawa kamo niining dapita kay hapit na gayod laglagon sa Ginoo kining siyudara.” Apan nagtuo ang iyang mga umagaron nga siya nagtiaw lamang kanila.

Cross References

Genesis 19:15

Sa pagbanagbanag sa kabuntagon, ang mga anghel mipadali kang Lot ug nag-ingon, “Tindog, kuhaa ang imong asawa ug ang imong duha ka anak nga babaye nga ania dinhi, aron dili kamo masunog uban sa pagsilot sa siyudad.”

Genesis 19:17

Ug sa napagawas na sila sa mga anghel, miingon sila, “Dagan alang sa imong kinabuhi. Ayaw paglingilingi sa imong kilid, ayaw paghunong bisan diin sa walog. Palayo paingon sa kabukiran aron dili ikaw masunog.”

Genesis 19:22

Pagdali, pahilayo didto kay wala akoy mahimo hangtod nga moabot ikaw didto.” Tungod niana ang ngalan sa maong siyudad gitawag nga Zoar.

2 Cronicas 30:10

Busa ang mga sinugo miadto sa nakalainlaing siyudad latas sa kayutaan sa Efraim ug sa Manases, bisan hangtod sa Zabulon, apan ang katawhan nangatawa sa pagtamay ug pagyubit kanila.

2 Cronicas 36:16

Apan sila nagpadayon sa pagbugalbugal sa mga sinugo sa Dios ug gitamay ang iyang mga pulong ug nagbugalbugal sa iyang mga propeta hangtod nga ang kapungot sa Ginoo misilaob batok sa iyang katawhan, hangtod nga wala nay mahimo.

Exodo 12:31

Unya gipatawag sa Paraon si Moises ug si Aaron sa pagkagabii ug miingon siya kanila, “Panindog kamo, palayo gikan sa akong katawhan, kamo ug ang katawhan sa Israel, ug panglakaw kamo ug pag-alagad kamo sa Ginoo sumala sa inyong gisulti.

Exodo 9:21

Apan ang wala magtagad sa pulong sa Ginoo, nagpasagad sa iyang mga ulipon ug sa iyang kahayopan didto sa uma.

Mga Panultihon 29:1

Siya nga kanunay gibadlong apan nagpatikig sa iyang liog, kalit nga laglagon nga dili na maayo.

Isaias 28:22

Busa karon ayaw pagbiaybiay, kay tingali unya ug ang inyong mga bugkos himoon nga lig-on; kay ako nakadungog ug usa ka sugo sa kalaglagan gikan sa Ginoong Dios sa mga panon, ibabaw sa tibuok nga yuta.

Jeremias 20:7

O Ginoo, gilimbongan nimo ako ug ako nalimbongan; ikaw kusgan kay kanako, ug ikaw mipatigbabaw. Nahimo ako nga kataw-anan sa tibuok nga adlaw; ang tanan nagbiaybiay kanako.

Jeremias 43:1

Sa dihang nahuman si Jeremias pagsulti ngadto sa tibuok katawhan sa tanang mga pulong sa Ginoo nga ilang Dios, nga niini gipadala siya sa Ginoo nga ilang Dios ngadto kanila,

Jeremias 43:2

si Asarias nga anak ni Hosaias ug si Johanan nga anak ni Karea, ug ang tanan nga mga mapahitas-ong tawo, miingon kang Jeremias, “Bakak ang imong gisulti. Ang Ginoo nga among Dios wala magpadala kanimo sa pag-ingon, ‘Ayaw kamo pag-adto sa Ehipto aron sa pagpuyo didto.’

Jeremias 51:6

“Palayo kamo gikan sa taliwala sa Babilonia, ipaluwas sa matag tawo ang iyang kinabuhi! Ayaw kamo pagpalaglag diha sa iyang silot kay kini mao ang panahon sa pagpanimalos sa Ginoo, ang balos nga iyang gipahamtang kaniya.

Ezequiel 20:49

Unya miingon ako, “Ah Ginoong Dios! Sila nag-ingon mahitungod kanako, ‘Dili ba siya usa ka tigsulti ug mga sambingay?’ ”

Numeros 16:21

“Palayo kamo gikan sa taliwala niining katilingban aron hutdon nako sila sa usa ka pagpamilok.”

Numeros 16:26

Ug siya miingon sa tibuok nga katilingban, “Palayo kamo gikan sa mga tolda niining mga tawong daotan ug ayaw kamo paghikap sa bisan unsang butang nga ila aron dili kamo maut-ot diha sa tanan nilang kasal-anan.”

Numeros 16:45

“Palayo kamo gikan sa taliwala niining katilingban aron hutdon nako sila sa usa ka pagpamilok.” Ug sila mihapa.

Mateo 1:18

Ug ang pagkatawo ni Jesu-Cristo nahitabo sa ingon niini: Sa diha nga ang iyang inahan nga si Maria kaslonon pa kang Jose, sa wala pa sila mag-ipon, nakaplagan siya nga nagsamkon pinaagi sa Espiritu Santo.

Mateo 9:24

Siya miingon, “Pahawa kamo, kay ang dalagita wala mamatay kondili natulog lamang.” Ug ilang gikataw-an siya.

Lucas 24:11

Apan sa ilang pagpaminaw niini, kining mga pulonga daw binuang lamang ug sila wala motuo kanila.

Lucas 9:42

Samtang ang bata miduol, siya gikusokuso ug gipalimbaglimbag sa demonyo. Apan gibadlong ni Jesus ang hugawng espiritu ug giayo ang bata, ug giuli ngadto sa iyang amahan.

Mga Buhat 17:32

Sa ilang pagkadungog mahitungod sa pagkabanhaw sa mga patay, ang uban nagbugalbugal apan ang uban miingon, “Maminaw ra kami kanimo pag-usab mahitungod niini.”

1 Mga Taga-Tesalonica 5:3

Sa diha nga ang mga tawo mag-ingon, “Kalinaw ug kasigurohan,” unya sa kalit moabot kanila ang pagkalaglag sama sa kasakit sa babaye nga nagbati, ug sila dili makaikyas.