Genesis 18:8

Ang Biblia 2011

Mikuha usab siya ug keso ug gatas, ug ang nating baka nga gihikay ug iyang gidulot sa atubangan nila ug siya nagtindog duol kanila ilalom sa kahoy ug nangaon sila.

Cross References

Genesis 18:7

Ug midagan si Abraham ngadto sa panon sa mga baka, ug mikuha siya ug usa ka nating baka nga humok pa ug maayo, ug gihatag niya sa sulugoon nga midali sa paghikay niini.

Genesis 18:9

Ug sila miingon kaniya, “Hain ba si Sarah nga imong asawa?” Ug mitubag siya, “Anaa siya sa tolda.”

Genesis 19:3

Apan siya namugos gayod kanila ug sila miuban kaniya ug miadto una sila sa iyang balay ug sila gihikayan niya ug nagluto siya ug pan nga walay patubo ug nangaon sila.

Nehemias 12:44

Niadtong adlawa ang mga tawo gitudlo sa pag-atiman sa mga lawak nga tipiganan, sa mga amot, sa mga unang bunga ug sa mga ikapulo, aron tigomon ngadto niini ang mga bahin nga gisugo sa balaod alang sa mga pari ug sa mga Levihanon sumala sa kaumahan sa mga lungsod, kay ang Juda nalipay tungod sa mga pari ug sa mga Levihanon nga nag-alagad.

Isaias 7:15

Keso ug dugos ang iyang kaonon sa diha nga mahibalo na siyang mosalikway sa daotan ug mopili sa maayo.

Isaias 7:22

ug tungod sa kadaghan sa gatas nga ilang ihatag, siya magkaon ug keso kay ang matag usa nga mahibilin diha sa yuta magkaon ug keso ug dugos.

Lucas 12:37

Bulahan kadtong mga ulipon nga inig-abot sa agalon maabtan nga nagtukaw. Sa pagkatinuod, sultihan ko kamo nga magbakos siya sa iyang kaugalingon, ug iyang palingkoron sila sa kan-anan ug moduol siya ug moalagad kanila.

Lucas 17:8

Dili ba ingnon man hinuon siya, ‘Andama ang akong panihapon ug andama usab ang imong kaugalingon ug silbihi ako hangtod nga makakaon ug makainom ako, ug human niini makakaon ug makainom ka na’?

Lucas 24:30

Sa nagtambong siya sa kan-anan uban kanila, siya mikuha ug pan ug nagpasalamat, ug kini iyang gipikaspikas ug gihatag kanila.

Lucas 24:43

Ug kini gidawat ni Jesus ug iyang gikaon sa ilang atubangan.

Juan 12:2

Ug didto gidalitan siya nila ug panihapon. Si Marta mao ang nagsilbi ug si Lazaro usa sa mga mitambong sa kan-anan uban kaniya.

Mga Buhat 10:41

dili ngadto sa tanang tawo, kondili nganhi kanamo nga gipili sa Dios ingon nga mga saksi nga nangaon ug nanginom uban kaniya human siya mabanhaw gikan sa mga patay.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

Deuteronomio 32:14

keso gikan sa panon sa baka ug gatas gikan sa mga karnero, uban sa tambok sa mga nating karnero ug sa mga laking karnero, sa mga baka sa Basan ug mga kanding, uban sa labing pino nga trigo ug gikan sa duga sa paras giinom nimo ang bino.

Gipadayag 3:20

Tan-awa, nagtindog ako sa pultahan ug nagtuktok, kon may magpatalinghog sa akong tingog ug moabli sa pultahan, kaniya mosulod ako ug makigsalo ako uban kaniya, ug siya uban kanako.

Mga Maghuhukom 13:15

Si Manoa miingon sa anghel sa Ginoo, “Tugoti kami sa paghawid kanimo aron kami makaandam ug usa ka nating kanding alang kanimo.”

Mga Maghuhukom 5:25

Si Sisera nangayo ug tubig, ug siya gihatagan niya ug gatas, siya gidad-an niya ug keso nga sinulod sa harianong sudlanan.