Genesis 18:6

Ang Biblia 2011

Ug si Abraham midali pagsulod sa tolda ngadto kang Sarah, ug miingon kaniya, “Dali, pagkuha ug tulo ka takos nga pinong harina, masaha kini ug himoa nga pan.”

Cross References

Genesis 18:5

samtang magkuha ako ug diyotayng pagkaon aron makapabaskog kaninyo ug human niana makapadayon kamo kay nakahapit na man kamo sa inyong ulipon.” Ug sila miingon, “Buhata ang imong gisulti.”

Genesis 18:7

Ug midagan si Abraham ngadto sa panon sa mga baka, ug mikuha siya ug usa ka nating baka nga humok pa ug maayo, ug gihatag niya sa sulugoon nga midali sa paghikay niini.

Genesis 19:3

Apan siya namugos gayod kanila ug sila miuban kaniya ug miadto una sila sa iyang balay ug sila gihikayan niya ug nagluto siya ug pan nga walay patubo ug nangaon sila.

2 Samuel 13:6

Busa si Amnon mihigda ug nagpasakitsakit, ug sa diha nga miabot na ang hari aron sa pagtan-aw kaniya, si Amnon miingon sa hari, “Hangyoon ko ikaw nga paanhion si Tamar nga akong igsoon ug pabuhata siya ug duha ka buok torta sa akong atubangan aron mokaon ako gikan sa iyang kamot.”

Salmo 119:60

Midali ako ug wala maglangan sa pagtuman sa imong kasugoan.

Isaias 32:8

Apan siya nga hamili naghimo sa mga butang nga hamili ug pinaagi sa mga butang nga hamili siya magbarog.

Mateo 13:33

Ug misugilon siya kanila ug lain pang sambingay, “Ang gingharian sa langit sama sa patubo nga gikuha sa usa ka babaye ug gisagol niya pagmasa sa tulo ka takos nga harina hangtod nga kini mitubo.”

Mga Buhat 16:15

Ug sa nabautismohan na siya kauban sa iyang panimalay, mihangyo siya kanamo nga nag-ingon, “Kon inyo akong gihukman nga matinud-anon sa Ginoo, adto kamo abot sa akong balay.” Ug siya namugos kanamo.

Roma 12:13

Hatag kamo alang sa mga panginahanglan sa mga balaan; batasana ninyo ang pagkamaabiabihon.

Mga Taga-Galacia 5:13

Kay kamo, mga igsoon, gitawag ngadto sa kagawasan. Apan lamang ayaw ninyo gamita ang inyong kagawasan ingon nga kahigayonan sa unod, kondili pinaagi sa gugma alagari ninyo ang usa ug usa.

Mga Hebreo 13:2

Ayaw ninyo kalimti ang pag-abiabi sa mga dumuduong, kay pinaagi niini adunay nakaalagad ug mga anghel nga wala lang nila hibaloi.

1 Pedro 4:9

Batasana ninyo ang pag-abiabi sa usa ug usa sa walay pagbagulbol.

Mga Maghuhukom 6:19

Busa si Gideon misulod sa iyang balay ug nag-andam ug usa ka nating kanding ug pan nga walay patubo gikan sa usa ka epha nga harina. Ang karne iyang gisulod sa usa ka bukag ug ang sabaw iyang gisulod sa usa ka kolon ug iyang gidala kini ngadto kaniya sa ilalom sa dakong kahoy ug gihatag kini.

1 Samuel 28:24

Ang babaye may usa ka pinatambok nga nating baka diha sa balay ug siya midali pag-ihaw niini ug mikuha siya ug harina ug gimasa kini, ug nagluto ug pan nga walay patubo gikan niini.