Genesis 18:32

Ang Biblia 2011

Ug siya miingon, “Dili unta masuko karon ang akong Ginoo kon mosulti ako sa makausa na lang. Pananglit may napulo nga magkaplagan didto.” Mitubag siya, “Dili nako kini laglagon tungod sa napulo.”

Cross References

Genesis 18:30

Ug miingon siya, “Dili unta masuko ang akong Ginoo, ug ako mosulti. Pananglit may makita didto nga 30.” Ug siya mitubag, “Dili nako buhaton kini kon adunay 30 nga makita didto.”

Genesis 18:31

Ug miingon siya, “Tan-awa, nangako ako sa pagsulti sa akong Ginoo. Pananglit may 20 nga makita didto.” Siya mitubag, “Dili nako kini laglagon tungod sa 20.”

Genesis 44:18

Unya si Juda miduol kaniya ug miingon, “O akong agalon, naghangyo ako kanimo nga pasultihon nimo ako ug usa ka pulong sa mga igdulungog sa akong agalon, ug ayaw papasilaoba ang imong kasuko batok sa imong ulipon kay ikaw sama sa Paraon.

Job 33:23

Kon kaniya adunay usa ka anghel, usa ka tigpataliwala, usa diha sa matag usa ka libo, aron sa pagpadayag sa tawo kon unsa ang matarong alang kaniya;

Salmo 86:5

Kay ikaw, O Ginoo, maayo, ug mapasayloon, ug madagayaon sa gugmang walay paglubad alang sa tanan nga nagsangpit kanimo.

Exodo 32:14

Ug wala ipadayon sa Ginoo ang daotan nga iyang nahunahunaang buhaton ngadto sa iyang katawhan.

Mga Panultihon 15:8

Ang halad sa daotan usa ka dulumtanan sa Ginoo, apan ang pag-ampo sa matarong maoy iyang kalipay.

Isaias 65:8

Mao kini ang giingon sa Ginoo: “Ingon nga ang bag-ong bino makaplagan diha sa pungpong, ug sila miingon, ‘Ayaw kini laglaga, kay adunay panalangin diha niini,’ ako usab magbuhat niini tungod ug alang sa akong mga sulugoon, ug dili nako laglagon silang tanan.

Jeremias 5:1

Dagan ngadto ug nganhi diha sa kadalanan sa Jerusalem, tan-awa ug hibaloi! Pangitaa diha sa mga hawan nga dapit niini kon makakita ba kamo ug usa ka tawo nga nagbuhat sa hustisya ug nangita sa kamatuoran; aron ako magpasaylo sa Jerusalem.

Miqueas 7:18

Kinsa ba ang Dios nga sama kanimo, nga nagpasaylo sa kasal-anan ug mopalabay lamang sa mga kalapasan sa salin sa iyang panulundon? Siya wala maghupot sa iyang kasuko hangtod sa kahangtoran, kay siya malipay diha sa gugmang walay paglubad.

Mateo 7:7

“Pangayo ug kamo hatagan, pangita ug kamo makakaplag, panuktok, ug ang pultahan ablihan alang kaninyo.

Mga Taga-Efeso 3:20

Ug ngadto kaniya, nga pinaagi sa gahom nga naglihok sulod kanato makahimo ug labaw pa gayod kay sa tanan natong gipangayo ug gihunahuna,

Mga Maghuhukom 6:39

Unya si Gideon miingon sa Dios, “Ayaw pasilaoba ang imong kasuko batok kanako. Pasultia ako sa makausa na lamang: tugoti ako sa pagsulay niini sa makausa na lamang pinaagi sa balhibo. Uga lamang unta ang balhibo ug diha lamang sa tibuok sa yuta ang adunay tun-og.”