Genesis 18:25

Ang Biblia 2011

Malayo unta kanimo ang pagbuhat sa ingon niana nga patyon nimo ang mga matarong uban sa mga daotan, ug nga sa ingon niana ang mga matarong mahisama sa mga daotan. Malayo unta kana kanimo! Dili ba nga ang Maghuhukom sa tibuok nga yuta magbuhat man sa matarong?”

Cross References

Genesis 18:24

Pananglit adunay 50 ka matarong sa sulod sa siyudad, laglagon ba diay nimo ug dili nimo sayloan ang dapit tungod sa 50 ka matarong nga anaa sa sulod niini?

1 Cronicas 16:33

Unya ang kakahoyan mag-awit sa kalipay sa atubangan sa Ginoo kay siya moanhi aron sa paghukom sa kalibotan.

2 Cronicas 19:7

Busa karon, himoa nga ang pagkahadlok sa Ginoo maanaa kaninyo; pagbantay sa inyong buhaton kay walay pagsukwahi sa hustisya diha sa Ginoo nga atong Dios o pagdapig o pagdawat ug mga suborno.”

Nehemias 9:33

Apan ikaw matarong diha sa tanan nga midangat kanamo kay ikaw nagmaminatud-anon man apan kami nagbuhat ug daotan.

Job 34:10

“Busa patalinghogi ako ninyo, kamo nga mga tawo nga adunay panabot, ipalayo unta kini sa Dios nga siya maghimo ug kadaot ug sa Labing Gamhanan nga mohimo siya ug kasaypanan.

Job 34:12

Sa pagkatinuod, ang Dios dili mobuhat nga dinaotan, ug ang Labing Gamhanan dili motuis sa hustisya.

Job 8:20

“Tan-awa, ang Dios dili mosalikway sa usa ka tawong walay ikasaway, o mogunit sa kamot sa mga nagbuhat ug daotan.

Job 8:3

Nagtuis ba ang Dios sa hustisya? O nagtuis ba sa matarong ang Labing Gamhanan?

Salmo 50:6

Ang kalangitan nagpadayag sa iyang pagkamatarong, kay ang Dios gayod mao ang maghuhukom! Selah

Salmo 58:11

Ang mga tawo mag-ingon, “Sa pagkatinuod adunay ganti alang sa mga matarong; sa pagkatinuod, adunay Dios nga maghukom dinhi sa yuta.”

Salmo 7:12

Kon ang usa ka tawo dili magbasol, bairon sa Dios ang iyang espada; gibawog niya ang iyang pana ug giandam kini;

Salmo 75:3

Sa diha nga ang yuta ug ang tanang mga nagpuyo niini mangalaglag, ako mao ang magsangga sa mga haligi niini. Selah

Salmo 94:2

Tindog, O maghuhukom sa yuta; ihatag sa mga mapahitas-on ang angay kanila!

Salmo 98:9

sa atubangan sa Ginoo, kay siya moanhi aron sa paghukom sa yuta. Diha sa pagkamatarong maghukom siya sa kalibotan, ug sa mga katawhan diha sa kaangayan.

Ecclesiastes 3:17

Ako miingon diha sa akong kasingkasing, ang Dios maghukom sa matarong ug sa daotan, kay nagtakda siya ug panahon alang sa tanang katuyoan ug alang sa tanang buhat.

Ecclesiastes 7:15

Kining tanan nakita nako sa akong mga adlaw sa kakawangan; adunay tawong matarong nga nalaglag diha sa iyang pagkamatarong, ug adunay tawong daotan nga naglugway sa iyang kinabuhi diha sa iyang buhat nga daotan.

Jeremias 11:20

Apan, O Ginoo sa mga panon, nga naghukom diha sa katarong, nga nagsulay sa kasingkasing ug sa hunahuna, pakitaa ako sa imong pagpanimalos kanila, kay kanimo gitugyan nako ang akong katungod.

Jeremias 12:1

Matarong ikaw, O Ginoo, sa dihang nagmulo ako nganha kanimo; apan mangamuyo ako kanimo mahitungod sa akong kahimtang. Ngano nga mouswag man ang dalan sa daotan? Ngano nga molambo man ang tanan nga mabudhion?

Ezequiel 18:25

“Bisan pa niana kamo nag-ingon, ‘Ang pamaagi sa Ginoo dili makiangayon.’ Pamati karon, O balay sa Israel! Dili ba makiangayon man ang akong pamaagi? Dili ba nga ang inyong mga pamaagi maoy dili makiangayon?

Malaquias 3:18

Unya sa makausa pa, inyong mailhan ang kalainan taliwala sa matarong ug sa daotan, taliwala sa nag-alagad sa Dios ug sa wala mag-alagad kaniya.

Numeros 16:22

Ug sila mihapa ug miingon “O Dios, ang Dios sa mga espiritu sa tanan nga unod, kon makasala ang usa ka tawo, masuko ba ikaw sa tibuok nga katilingban?”

2 Mga Taga-Corinto 5:10

Kay kitang tanan kinahanglan mangatubang sa hukmanan ni Cristo aron ang matag usa modawat sumala sa nabuhat sa iyang lawas, maayo man o daotan.

Deuteronomio 1:16

Ug ako mimando sa inyong mga maghuhukom niadtong panahona, ‘Husaya ninyo ang mga panagbingkil taliwala sa inyong mga kaigsoonan, ug paghukom kamo sa minatarong, tali sa tawo ug sa iyang igsoon o sa langyaw nga uban kaniya.

Deuteronomio 1:17

Ayaw kamo pagdapig sa inyong paghukom. Pamatia ninyo ang gagmay sama sa dagko. Ayaw kamo kahadlok sa nawong sa tawo kay ang paghukom iya sa Dios. Ug ang husayonon nga lisod alang kaninyo dad-a ninyo kanako ug pamation nako kini.’

Deuteronomio 32:4

“Ang Bato, ang iyang buhat hingpit, kay ang tanan niyang mga paagi matarong. Dios sa pagkamatinumanon ug walay kasal-anan, matarong ug tul-id siya.

Mga Hebreo 12:23

sa kahugpongan ug katigoman sa mga panganay kinsang mga ngalan nasulat sa talaan didto sa langit, ug sa Dios nga maghuhukom sa tanan ug sa mga espiritu sa mga tawong matarong nga nangahimong hingpit

Mga Maghuhukom 11:27

Busa ako wala makasala batok kanimo, apan ikaw nakabuhat ug sala kanako pinaagi sa pagpakiggubat batok kanako. Ang Ginoo, ang Maghuhukom, mao ang maghukom niining adlawa taliwala sa katawhan sa Israel ug sa katawhan sa Amon.”